Parlamentin komitə sədrlərinə yeni avtomobillər verilib - FOTO
![Parlamentin komitə sədrlərinə yeni avtomobillər verilib - FOTO](/images/2023/11/30/20231130035014465/thumb.jpg?2023-11-30+15%3A52%3A27)
Milli Məclisin komitə sədrlərinin istifadəsinə yeni xidməti avtomobillər verilib.
1news.az-ın “Report”a istinadən xəbərinə görə, artıq bir müddətdir ki, komitə sədrləri “Mercedes E 300” markalı avtomobillərdən istifadə edirlər.
Hazırda parlamentin 15 komitəsi var.
Qeyd edək ki, Milli Məclisin noyabrın 15-də keçirilən plenar iclasında “Azərbaycan Respublikası Milli Məclisinin 2024-cü il üçün xərclər smetası haqqında” qərar layihəsinin müzakirəsində parlamentin İşlər müdiri Firudin Hacıyev bildirib ki, qanunverici orqanın builki xərclər smetasında nəzərdə tutulan vəsaitlər hesabına avtoparkın maddi-texniki bazasının yaxşılaşdırılması məqsədilə avtomobillər alınıb və avtopark yenilənib.
![](/images/2023/11/30/20231130035014465/d_gallery/1701342308_9afe6766-5009-3c13-8d4f-655fe518cacc.jpg)
308