BŞTİ məlumat yaydı: “Hazırda Bakı məktəblərində tədris prosesi davam edir”
Dekabrın 7-də Azərbaycanda baş vermiş zəlzələ zamanı paytaxtdakı təhsil müəssisələrində fövqəladə hallarla bağlı davranış qaydalarına uyğun olaraq, təkan hiss olunan ərazilərdə müəllim və şagird kollektivinin uyğun vaxt ərzində həyətdə öncədən müəyyən edilmiş, binadan aralı Toplanış məntəqələrində toplanması təmin olunub.
1news.az xəbər verir ki, bu barədə Bakı Şəhəri üzrə Təhsil İdarəsinin məlumatında qeyd olunub.
"Təhsil müəssisələrinin rəhbərliyi tərəfindən uşaqlara, şagird və valideynlərə həyəcanlanmamaq və əlavə narahatlığa yol verməmək tövsiyə olunub.
Bununla belə bəzi təhsil müəssisələrində valideynlər şəxsi narahatlıqları səbəbindən könüllü olaraq övladını götürüblər.
Qeyd edək ki, hazırda paytaxtdakı təhsil müəssisələrində tədris prosesi davam edir.
Heç bir təhsil müəssisəsində dağıntı halı qeydə alınmayıb".
Həmçinin oxuyun: Azərbaycanda 5,6 maqnitudada zəlzələ olub - YENİLƏNİB
Polis gücləndirilmiş iş rejiminə keçdi
Bakı şəhər Dövlət Yol Polisi İdarəsi zəlzələ ilə bağlı sürücülərə müraciət etdi
“Zəlzələ ilə bağlı təcili tibbi yardıma heç bir müraciət daxil olmayıb”
