ADY dəmir yollarında baş verən hadisələrə diqqət çəkmək üçün sosial çarx hazırlayıb - VİDEO

“Azərbaycan Dəmir Yolları” (ADY) QSC dəmir yollarında baş verən hadisələrə diqqət çəkmək üçün sosial çarx hazırlayıb.

1news.az xəbər verir ki, Videoda qəza zamanı ayaqlarını itirən şəxs real obraz kimi əksini tapıb. Belə ki, aktyor İmran Lalayev 2013-cü ildə dəmir yolu xəttini düzgün keçmədiyi üçün - qulaqlıqla diqqətsiz keçərkən qəza nəticəsində hər iki ayağını itirib. Bu taleni yaşamamaq üçün hər kəs dəmiryolu xətlərindən yox, keçidlərdən istifadə etməlidir. Aktyorun bununla bağlı çağırışı və yaşadığı real həyat hər kəsə ciddi bir mesaj olmalıdır.

Qeyd edək ki, bu il ADY qatarlarının qarşısına qəfil insan çıxması nəticəsində 7 nəfər ölüb, 6 nəfər ağır xəsarət alıb.