DYP hava şəraitinə görə moped, motosiklet, elektroskuter, velosiped sürənlərə müraciət edib
Hazırda paytaxt ərazisində müşahidə olunan güclü külək yollarda qəza riskini artırır.
1news.az xəbər verir ki, bu barədə Dövlət Yol Polisi İdarəsinin moped, motosiklet, elektroskuter, velosiped tipli nəqliyyat vasitələrindən istifadə edənlərə müraciətində deyilir.
Belə hava şəraiti ikitəkərli, o cümlədən moped, motosiklet, elektroskuter, velosiped tipli nəqliyyat vasitələrinin idarə edilməsində isə xüsusilə ciddi cətinliklər yaradır. Küləyin təsiri nəticəsində müvazinətin itirilməsi ikitəkərli nəqliyyat vasitələrinin aşma ehtimalını dəfələrlə artırır ki, bu da sürücünün özü, eləcə də digər nəqliyyat vasitələri və piyadalar üçün real təhlükədir.
DİN-in Baş DYP İdarəsi ikitəkərli nəqliyyat vasitələrinin sürücülərinə mövcud hava şəritini düzgün qiymətləndirməyi və bu tip nəqliyyat vasitələrindən mümkün qədər az istifadə etməyi tövsiyə edir.
