Qırmızı Ürəklər Fondu və Azərbaycan Hava Yolları Ordubadda uşaqları sevindirdi - FOTO

Azərbaycanın Milli Aviadaşıyıcısı -“Azərbaycan Hava Yolları”nın dəstəyi ilə “Red Hearts” - Qırmızı Ürəklər Fondu Yeni il ərəfəsində xeyriyyə tədbiri səbəbilə Bakıdan Naxçıvana gedib..

1news.az xəbər verir ki, Ordubad şəhər Məhəmməd Füzuli adına tam orta internat məktəbinin balaca sakinlərinə bayram əhval-ruhiyyəsi bəxş etmək üçün uşaqların sevimli qış qəhrəmanları - Santa Klaus və Elf AZAL-ın təyyarəsi ilə Bakıdan Naxçıvana gediblər. Səfər çərçivəsində uşaqlara isti geyim və zəruri gigiyena vasitələri ilə təqdim olunub.

Eyni zamanda internat məktəbinin uşaqları üçün musiqili əyləncə proqramı və müsabiqələr təşkil olunub.

Xeyriyyə tədbirinin məqsədi Dünya Azərbaycanlılarının Həmrəyliyi günü və Yeni il bayramının valideyn himayəsindən məhrum uşaqlarla birgə qeyd edilməsi olunub.

Uçuş zamanı Santa Klaus və Elf reysin sərnişinlərinə də bayram ab-havası bəxş edib, onları hədiyyələrlə sevindiriblər.

Azərbaycan Hava Yolları sosial məsuliyyət layihələrinə xüsusi diqqət ayırır və artıq uzun illərdir ki, cəmiyyətin həssas təbəqələri üçün müxtəlif xeyriyyə və yardım aksiyaları həyata keçirir.

Qeyd edək ki, “Red Hearts” - Qırmızı Ürəklər Fondu 2019-cu ildə Kapital Bank-ın könüllü əməkdaşlarının təşəbbüsü ilə yaradılıb. Hazırda Fond kimi fəaliyyətini davam edən təşkilat, əsasən uşaq evlərinə, sığınacaqlara və digər ehtiyacı olanlara yardımlar edir.