Bayram günlərində texniki baxış məntəqələri fasiləsiz fəaliyyət göstərəcək
Baş DYP İdarəsinin Müayinə Mərkəzləri bayram günlərində gücləndirilmiş rejimdə fasiləsiz fəaliyyət göstərəcək.
Bu barədə 1news.az-a Daxili İşlər Nazirliyindən bildirilib.
Bildirilib ki, Dünya Azərbaycanlılarının Həmrəyliyi Günü və Yeni il bayramı ilə əlaqədar 31 dekabr – 6 yanvar tarixlərinin qeyri-iş günləri olmasına baxmayaraq, Bakının Sabunçu və Qaradağ rayonlarında (Sədərək Ticarət Mərkəzinin yanı) yerləşən Müayinə Mərkəzləri 24 saat fasiləsiz iş rejimində sürücülərin xidmətində olacaq.
Əlavə məlumat almaq üçün sürücülər və nəqliyyat vasitələrinin sahibləri 012-590-71-13 nömrəli qaynar xətlə əlaqə saxlaya bilərlər
653
