Heydər Əliyev Mərkəzində Yaponiyanın Hoşo Teatr Məktəbinin “Noh Opera”sı səhnələşdiriləcək

Heydər Əliyev Mərkəzində Yaponiyanın ənənəvi dram teatr sənəti olan “No” üzrə ixtisaslaşan Hoşo Teatr Məktəbinin “Noh Opera”sı səhnələşdiriləcək.

1news.az xəbər verir ki, tədbirdə Azərbaycan və Yaponiyanın rəsmi şəxsləri, mədəniyyət və incəsənət nümayəndələri iştirak edəcək.

700 ildən çox tarixi olan “No” teatrı Yaponiyanın ən qədim ifaçılıq sənətidir. Ənənəvi ədbiyyat nağılları əsasında qurulan “No” teatrı rəqs əsaslı səhnələri, maskaları, geyimləri və digər müxtəlif atributları ehtiva edir.

Yüksək sənətkarlıq keyfiyyətinə görə bu incəsənət növü YUNESKO-nun qeyri-maddi mədəni irs siyahısına daxil edilib və bütün dünyada ifa olunur.