Azərbaycanda növbədənkənar prezident seçkiləri üzrə səsvermə başlayıb - FOTO
Azərbaycanda növbədənkənar prezident seçkiləri üzrə səsvermə start götürüb.
1news.az-ın əməkdaşı 17 saylı Yasamal 3-cü seçki dairəsinin 2 saylı məntəqəsindən xəbər verir ki, səsvermə 7 fevral saat 08:00-dan 19:00-a qədər davam edəcək.
Seçkilərdə 7 namizəd prezident olmaq uğrunda mübarizə aparır.
Həmin namizədləri təqdim edirik:
Yeni Azərbaycan partiyasının namizədi İlham Əliyev;
Öz təşəbbüsü ilə namizəd olan Zahir Oruc;
Milli Cəbhə Partiyasının namizədi Razi Nurullayev;
Bütöv Azərbaycan Xalq Cəbhəsi partiyası namizədi Qüdrət Həsən Quliyev;
Böyük Quruluş Partiyasının namizədi Fazil Mustafa;
Böyük Azərbaycan partiyasının namizədi Elşad Musayev:
Öz təşəbbüsü ilə namizəd olan Fuad Əliyev.
Qeyd edək ki, ərazi bütövlüyünü və suverenliyini tam bərpa edən Azərbaycanda ilk dəfə olaraq bütün şəhər və rayonlarda seçki məntəqələri qurulub və səsvermə hüququ olan hər kəs bu prosesdə iştirak edə biləcək.
