Baş katib: “İnanıram ki, Azərbaycanın sədrliyi ilə APA uğurlar qazanacaq”
“İnanıram ki, Azərbaycanın müdrik və dinamik sədrliyi ilə APA qarşıdakı iki ildə inkişaf edəcək və uğurlar qazanacaq” .
1news.az xəbər verir ki, bunu Assambleyanın Baş katibi Məhəmməd Rza Məcidi Bakıda Asiya Parlament Assambleyasının 14-cü Plenar Sessiyasında çıxışı zamanı deyib.
“Azərbaycanın sədrliyini dəstəkləməklə bağlı sarsılmaz öhdəliyimizi bildirmək istərdim”
Qeyd edək ki, bu gün Bakıda Asiya Parlament Assambleyasının 14-cü plenar sessiyası keçirilir.
Tədbir çərçivəsində qurumun İcraedici Şurasının, plenar sessiyasının, siyasi, iqtisadi, büdcə, sosial və mədəni sahələrə dair komitələrinin iclasları keçiriləcək, müvafiq məsələlər müzakirə olunacaq, bir sıra təşkilati məsələlərə baxılacaq. Sessiyanın sonunda Bakı Bəyannaməsi və APA-nın yekun hesabatı qəbul ediləcək.
Xatırladaq ki, APA sədrlik 2024 və 2025-ci illərdə Azərbaycana keçib. Bundan əvvəl APA-ya Türkiyə sədrlik edirdi.
