“Maşın bazarı”nda baş verən yanğında 4 mağaza yanıb - FOTO - YENİLƏNİB 2
Bakı şəhərinin Xətai rayonu, Babək prospektində yerləşən “Maşın bazarı” adlanan ərazidə baş vermiş yanğın nəticəsində ümumi sahəsi 400 kv.m. olan bir dam altında tikilmiş 32 ədəd müxtəlif təyinatlı mağazalardan 4 ədədi 48 kv.m. sahədə yanıb.
1news.az xəbər verir ki, bu barədə Fövqəladə Hallar Nazirliyi məlumat verib.
Qeyd olunub ki, digər mağazalar yanğından mühafizə olunub.
***
14:57
Bakıda mağazada baş verən yanğın söndürülüb.
Nazirlikdən 1news.az-a verilən xəbərə görə, Fövqəladə Hallar Nazirliyinin Dövlət Yanğından Mühafizə Xidməti tərəfindən görülmüş zəruri və təxirəsalınmaz tədbirlər sayəsində Bakı şəhərinin Nizami rayonu, Babək prospektində yerləşən “Maşın bazarı” adlanan ərazidə baş vermiş yanğın geniş sahəyə yayılmasına imkan verilmədən qısa müddətdə tam söndürülüb.Bakının Xətai rayonu, Babək prospektində mağaza yanır.
***
14:21
Bu barədə 1news.az-a Fövqəladə Hallar Nazirliyindən (FHN) məlumat verilib.
Qeyd edilib ki, hazırda nazirliyin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunublar.
Yanğınsöndürmə işləri həyata keçirilir.
