Mətbuat Şurası tanınmış jurnalist Ramiz Əskərin vəfatı ilə bağlı nekroloq yayıb | 1news.az | Xəbərlər
Mədəniyyət

Mətbuat Şurası tanınmış jurnalist Ramiz Əskərin vəfatı ilə bağlı nekroloq yayıb

17:12 - 22 / 05 / 2024
Mətbuat Şurası tanınmış jurnalist Ramiz Əskərin vəfatı ilə bağlı nekroloq yayıb

Azərbaycan jurnalistikasına, elm ictimaiyyətinə, bütövlükdə ziyalı mühitinə ağır itki üz verib.

Respublikamızın əməkdar jurnalisti, yazıçı, publisist və alim Ramiz Əskər (Ramiz Baxşəli oğlu Əskərov) dünyasını dəyişib. Mərhumun ailə üzvlərinə, doğmalarına və əzizlərinə dərin hüznlə başsağlığı veririk.

1news.az xəbər verir ki, bu sözlər tanınmış jurnalist Ramiz Əskərin vəfatı ilə bağlı Mətbuat Şurasının İdarə Heyətinin paylaşdığı nekroloqda yer alıb.

Nekroloqda bildirilib ki, 1954-cü ildə Gümrünün Amasiya rayonuna bağlı Qaraçanta kəndində (Ermənistan ərazisi) doğulmuş R.Əskər 1972-ci ildə Bakı Dövlət Universitetinin Jurnalistika fakültəsinə daxil olub. 1975-ci ildə M.V.Lomonosov adına Moskva Dövlət Universitetinin jurnalistika fakültəsinə keçid alan R.Əskər 1978-ci ildə həmin ali təhsil ocağını bitirib.

1978-1983-cü illərdə “Azərbaycanın Səsi” radiosunda çalışmış mərhum jurnalist 1983-1984-cü illərdə Azərbaycan, türk, ərəb, fars, ingilis, fransız və alman dillərində çıxan “Azərbaycan bu gün” jurnalının baş redaktoru vəzifəsində işləyib. 1984-1991-ci illərdə latın, kiril və ərəb əlifbaları əsasında işıq üzü görmüş “Odlar yurdu” qəzetinin baş redaktoru vəzifəsində çalışıb. 1991-1993-cü illərdə Türkiyənin “Hürriyet” qəzetinin və Uluslararası Haber Ajansının (UHA) Azərbaycan üzrə müxbiri olub. 1993-1997-ci illərdə “Yeni Forum” jurnalının (Ankara) təmsilçisi kimi fəaliyyət göstərib. 1993-1994-cü illərdə Xarici Turizm Şurasının idarə rəisi işləyib. 1994-1996-cı illərdə “XXI əsr” qəzetinin baş redaktoru, 1992-1997-ci illərdə Azərbaycan Jurnalistlər Birliyinin katibi kimi çalışıb.

R.Əskər, həmçinin, 2003-2006-cı illərdə Bakı Dövlət Universitetindəki Türkologiya kafedrasında çalışıb, azərbaycanca və rusca Türk mədəniyyət tarixi, Türkologiyanın əsasları, “Divanü lüğat-it-türk”, “Kitabi-Dədə Qorqud”, “Qutadğu Bilig”, “Manas” dərsləri deyib. 2007-2012-ci illərdə filologiya fakültəsində bədii tərcümə elmi-tədqiqat laboratoriyasının müdiri olub. 2012-ci ildə türk xalqları ədəbiyyatı kafedrasının, 2016-cı ildə isə türkologiya kafedrasının müdiri seçilən R.Əskər 2023-cü ildən Türkoloji Araşdırmalar Mərkəzinin rəhbəri vəzifəsində çalışıb.

80-ə yaxın beynəlxalq simproziumun və konfransın iştirakçısı olmuş Ramiz Əskər Azərbaycanda və dünyanın müxtəlif ölkələrində çapdan çıxmış 94 kitabın, xeyli sayda tərcümənin müəllifi kimi də tanınb. O, 2010-cu ildə Əməkdar jurnalist fəxri adına, 2014-cü ildə “Şöhrət” ordeninə, 2024-cü ildə II dərəcəli “Vətənə xidmətə görə” ordeninə layiq görülüb. O, həmçinin 2022-ci ildə Özbəkistanın “Dostluq” ordeni ilə də təltif edilmişdi.

“Ölkəmiz, bütövlükdə türk dünyası üçün zəngin və faydalı ömür yaşamış, çoxşaxəli yaradıcılıq diapazonu ilə seçilmiş Ramiz Əskərin yoxluğu son dərəcə üzücüdür. Uca Tanrıdan məhrumun doğmalarına, əzizlərinə, onu tanıyan, bənzərsiz və təkrarsız əməyinə yüksək dəyər verən hər kəsə səbir diləyir, kədərlərini bölüşürük.

Allah rəhmət eləsin!”, - deyə nekroloqda qeyd edilib.

Paylaş:
419

Son xəbərlər

Azərbaycan və Banqladeş XİN-ləri arasında siyasi məsləhətləşmələr olubBu gün, 17:27Dövlət Proqramı çərçivəsində sənəd qəbulunun müddəti uzadılıbBu gün, 17:08“Azərxalça” ASC və Aydan Salahova ortaq layihəyə - “Qadın” triptix xalçasına imza atdılar - FOTOBu gün, 17:05Tərtərdə həmkəndlisini öldürməkdə təqsirləndirilən şəxsin cinayət işi məhkəməyə göndərilibBu gün, 16:40“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 16:30Rəhman Hacıyev əcnəbi diplomatlara Qarabağda aparılan bərpa və quruculuq işləri barədə məlumat verib - FOTOBu gün, 15:43“Bakı Gəmiqayırma Zavodu” ASCO üçün iki tanker və üç ədəd dalğıc gəmi inşa edəcəkBu gün, 15:36Azərbaycanda bayram günlərində banklar və “Azərpoçt” fəaliyyət göstərəcəkBu gün, 15:02Metronun “28 May” stansiyasının və Dəmir yol vağzalının qarşısındakı meydan təmirdən sonra belə olacaq - FOTOBu gün, 14:36Azad olunan ərazilərdə qurban kəsimi və satışı məntəqələri müəyyənləşib - SİYAHIBu gün, 14:22İlham Əliyev Qurban bayramı münasibətilə Azərbaycan xalqını təbrik edibBu gün, 14:20MMF2024-ün ilk gününün (online) spikerləri bəlli oldu!Bu gün, 14:17Baş Prokurorluq: Naxçıvanda hərbiçimizin ölümü ilə bağlı cinayət işinin istintaqı davam edirBu gün, 13:30Zakir Həsənov Çinin hərbi nümayəndə heyəti ilə görüşüb - VİDEOBu gün, 13:28Kür çayına növbəti dəfə balıq körpələri buraxılıbBu gün, 13:19Daşaltı Dövlət Təbiət Yasaqlığının fəaliyyəti bərpa ediləcəkBu gün, 13:16Bu il sosial təhlükəli vəziyyətdə olan 27 uşağa xidmət göstərilibBu gün, 13:07Şənbə günü hava necə olacaq? - ProqnozBu gün, 12:50Kəmər taxmadığına görə saxlandı, narkotik maddə qəbul etməsi aşkarlandıBu gün, 12:38Allahşükür Paşazadə Azərbaycan xalqını Qurban bayramı münasibətilə təbrik edibBu gün, 12:32
Bütün xəbərlər