Bakının 3 rayonunda qaz təchizatı dayandırılacaq
Bu gün paytaxtın 3 rayonunun qaz təchizatında müvəqqəti fasilə yaranacaq.
Bu barədə 1news.az-a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.
Bildirilib ki, Nizami rayonu, Şərifli küçəsi 24/25 ünvanında istismara yararsız siyirtmənin yenisi ilə əvəz olunması, Nərimanov rayonu, Z.Bünyadov prospekti ilə M.Nərimanov küçələrinin kəsişməsində yeni çəkilmiş qaz xəttinin mövcud şəbəkəyə qoşulması, Binəqədi rayonu ərazisində qaz kəmərlərinin hava kompressoru vasitəsi ilə kipliyə sınaq olunması məqsədi ilə mayın 23-də saat 10:00-dan etibarən qaz təchizatı dayandırılacaq.
Qaz təchizatı dayandırılan müddətdə Nizami rayonunun (Şərifli, E.Süleymanov, C.Naxçıvanski və R.Rüstəmov küçələri), Nərimanov rayonunun (Z.Bünyadov prospekti, İ.Abışov, Baksol yolu, Ə.Qayıbov və M.Paşayev küçəsi), Binəqədi rayonunun (1-3-cü Mədən əraziləri) bir hissəsinin qaz təchizatında fasilə yaranacaq.
