Göyçayda Birinci Qarabağ müharibəsinin şəhidi Firuddin Hacıyev dəfn edilib - YENİLƏNİB
![Göyçayda Birinci Qarabağ müharibəsinin şəhidi Firuddin Hacıyev dəfn edilib - YENİLƏNİB](/images/2024/05/24/20240524044559697/thumb.jpg?2024-05-24+17%3A29%3A52)
Gəncə şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Firuddin Nadir oğlu Hacıyevlə Göyçay rayonunun İnçə kəndində keçirilən vida mərasimi başa çatıb.
1news.az-ın “Report”a istinadən məlumatına görə, şəhidin nəşi İnçə kənd qəbiristanlığında dəfn olunub.
Dəfn mərasimində şəhidin doğmaları, Göyçay Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
16:47
Gəncə şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Firuddin Nadir oğlu Hacıyevin meyitinin qalıqları Göyçay rayonuna gətirilib.
1news.az-ın “Report”a istinadən məlumatına görə, şəhidin nəşi Göyçay rayonunun İnçə kəndində ailəsinə təhvil verilib.
Hazırda şəhidlə vida mərasimi keçirilir.
Qeyd edək ki, Firuddin Nadir oğlu Hacıyev 1972-ci il iyulun 18-də Göyçay rayonunun İnçə kəndində anadan olub. O, 1994-cü il aprelin 14-də Kəlbəcər rayonunun Murovdağ istiqamətində itkin düşüb.
F.Hacıyev İnçə kənd qəbiristanlığında dəfn olunacaq.
![](/images/2024/05/24/20240524044559697/d_gallery/3106dd5d-82d6-37d2-b332-e96389d3acd2_850.jpg)
![](/images/2024/05/24/20240524044559697/d_gallery/3cc3c092-3555-3af3-8df9-277ea3507aca.jpeg)
![](/images/2024/05/24/20240524044559697/d_gallery/fc84a9b2-c07c-3033-bdab-2691ae4135e9.jpg)
![](/images/2024/05/24/20240524044559697/d_gallery/fdab86ed-2ead-39c1-b302-6b03095d5d90.jpg)