Rəhman Hacıyev əcnəbi diplomatlara Qarabağda aparılan bərpa və quruculuq işləri barədə məlumat verib - FOTO | 1news.az | Xəbərlər
Cəmiyyət

Rəhman Hacıyev əcnəbi diplomatlara Qarabağda aparılan bərpa və quruculuq işləri barədə məlumat verib - FOTO

15:43 - 14 / 06 / 2024
Rəhman Hacıyev əcnəbi diplomatlara Qarabağda aparılan bərpa və quruculuq işləri barədə məlumat verib - FOTO

13 iyun 2024-cü il tarixində Qarabağ Dirçəliş Fondunun(QDF) İdarə Heyətinin sədri Rəhman Hacıyev ADA Universitetinin və Xarici İşlər Nazirliyinin nəzdində fəaliyyət göstərən Azərbaycan Respublikasının Beynəlxalq İnkişafa Yardım Agentliyinin (AIDA) xarici diplomatlar üçün birgə təşkil etdiyi “Xarici Siyasət Proqramı”nda məruzəçi qismində çıxış edib.

QDF-dən 1news.az-a verilən məlumata görə, artıq üçüncü ildir ki, sözügedən Proqramda iştirak edən Rəhman Hacıyev Ermənistan-Azərbaycan münaqişəsi, işğaldan azad edilən ərazilərdə erməni terroru nəticəsində maddi obyektlərə, memarlıq inciləri olan tarixi abidələrə dəyən zərər, eləcə də Qarabağın yenidən qurulması və bərpası istiqamətində aparılan işlərlə bağlı geniş məlumat verib.

İdarə Heyətinin sədri zərərin aradan qaldırılmasında dövlət, biznes və cəmiyyətin səylərinin birləşdirilməsinin, işğaldan azad edilən ərazilərin bərpası və yenidən qurulmasında həmrəyliyin rolunu xüsusi vurğulayıb.

Sonda Rəhman Hacıyev Fondun həyata keçirdiyi tədbirlər və cari ildə nəzərdə tutulan layihələr, eyni zamanda Fonda cəlb olunan ianələr və ianə etmək imkanları barədə də ətraflı məlumat verib.

Məlumat üçün bildirək ki, qitələr arasında diplomatik körpü rolunu oynayan proqram Amerika, Afrika, Avropa və Asiyadan 14 ölkəni təmsil edən 21 diplomatı bir araya gətirib. Həmin ölkələr sırasında Qayana, Burkina Faso, Ekvador, Syerra-Leone, habelə Belarus, Moldova, Slovakiya, Tacikistan, Özbəkistan və digər ölkələri qeyd etmək mümkündür.

Proqram müxtəlif ölkələrdən diplomatları bir araya gətirərək, fikir mübadiləsi aparmaq, təcrübə ilə bölüşmək və geosiyasi dinamika haqqında maraqlı müzakirələr üçün unikal imkan təqdim edir.

ADA Universitetinin professor-müəllim heyəti, İnkişaf və Diplomatiya İnstitutunun əməkdaşları, eləcə də Xarici İşlər Nazirliyi, Rəqəmsal İnkişaf və Nəqliyyat Nazirliyi və digər dövlət qurumlarından dəvət edilən qonaqlar xarici diplomatlar qarşısında beynəlxalq siyasət, səmərəli diplomatik fəaliyyət, peşəkar bacarıq və qabiliyyətlərin inkişafı, Azərbaycanın xarici siyasət prioritetləri və uğurları, enerji diplomatiyası, beynəlxalq nəqliyyat dəhlizlərinin inkişafına Azərbaycanın töhfələri kimi mövzularla yanaşı, ölkəmizin tarixi, milli mənsubiyyəti, turizm potensialı və beynəlxalq müstəvidəki rolu, rəqəmsal innovasiya və ictimai xidmət sahəsindəki uğurları mövzularında məruzələrlə çıxış ediblər.

Xatırladaq ki, bu günədək 7 dəfə təşkil olunan proqram 2018-ci ildən etibarən həyata keçirilir. Ötən illərdə 63 ölkədən 96 xarici diplomat proqramda iştirak edib.

Paylaş:
152

Son xəbərlər

Azərbaycanda ilk: abituriyentlərin ixtisas seçiminə köməklik edən platforma yaradılıb24 / 07 / 2024, 20:27Yük maşınlarını normadan artıq yükləyənlər 7 min manatadək cərimə olunacaq24 / 07 / 2024, 16:30Velosiped yollarında hərəkət edəcək nəqliyyat vasitələrinin sürücüləri 100 manat cərimə ediləcək24 / 07 / 2024, 16:19"Bakı Metropoliteni" Müşahidə Şurasının tərkibi dəyişib24 / 07 / 2024, 16:18Azərbaycanın olimpiya çempionları üçün xüsusi olimpiya təqaüdünün məbləği dəyişib24 / 07 / 2024, 16:14DİM-in İdarə Heyətinin sədrinə müavinlər təyin edilib24 / 07 / 2024, 14:42“Qarabağ”-“Linkoln” oyununun hakimləri dəyişdirilib24 / 07 / 2024, 14:33Azərbaycana gətirilən spirtli içkilər üçün aksiz dərəcəsi dəyişib24 / 07 / 2024, 14:29İlham Əliyev Bakıda Zəfər parkında aparılan tikinti işləri ilə tanış olub - FOTO24 / 07 / 2024, 14:24Azərbaycan XİN Efiopiyaya başsağlığı verib24 / 07 / 2024, 12:50ADY fermerlərə mal-qara ilə bağlı tövsiyə edib24 / 07 / 2024, 12:26Qarabağa avtobus reyslərinə avqust ayı üçün biletlər satışa çıxarılır24 / 07 / 2024, 12:18“Lalique” brendinin yeni “Iconics Rose Nebula” kolleksiyasında futurizm və antiklik - FOTO24 / 07 / 2024, 12:05Kamaləddin Qafarov: “Uzunmüddətli sülh mümkündür”24 / 07 / 2024, 11:33Bu ilin altı ayında icbari tibbi sığorta hesabına icra olunan abortların sayı açıqlanıb24 / 07 / 2024, 11:21ABB debet kartlarını SİMA24 / 07 / 2024, 11:09Azərbaycanda uçota alınan telekommunikasiya operator və provayderlərinin sayı 163-ə çatdırılıb24 / 07 / 2024, 10:55İlham Əliyev Özbəkistanın Prezidentini ad günü münasibətilə təbrik edib24 / 07 / 2024, 10:38Bakıda təhlükəsizlik tələblərinə cavab verməyən liftin fəaliyyəti dayandırılıb - VİDEO24 / 07 / 2024, 10:31Salyanda bibisinə qarşı quldurluq etmək istəyən keçmiş məhkum və tanışı ələ keçdi24 / 07 / 2024, 10:23
Bütün xəbərlər