Bakıda yük avtomobilindən texnika yola aşıb - YENİLƏNİB
![Bakıda yük avtomobilindən texnika yola aşıb - YENİLƏNİB](/images/2024/06/29/20240629111033464/thumb.jpg?2024-06-29+15%3A23%3A37)
Azərbaycan Yerüstü Nəqliyyat Agentliyi (AYNA) Nərimanov rayonunun Ziya Bünyadov prospektində yük avtomobilinin üzərində olan texnikanın yolun hərəkət hissəsinə düşməsi ilə bağlı məsələyə aydınlıq gətirib.
1news.az-ın "Report"a istinadən məlumatına görə, qurumdan bildirib ki, quruma 99-JG-895 dövlət qeydiyyat nişanlı avtomobillə iri qabaritli yükün daşınması icazəsinin alınması üçün müraciət edilməyib.
11:14
Bakıda yük avtomobilinin üzərində olan texnika yolun hərəkət hissəsinə aşıb.
Daxili İşlər Nazirliyindən (DİN) 1news.az-a verilən məlumata görə, hadisə paytaxtın Nərimanov rayonu, Ziya Bünyadov prospekti, Bakı Olimpiya Stadionun yaxınlığında baş verib.
Hadisə barədə DİN-in Nəqliyyatı İntellektual İdarəetmə Mərkəzinin əməkdaşları tərəfindən yol polisinə məlumat verilib.
Hazırda sıxlığın yaranmaması, nəqliyyat vasitələrinin rahat hərəkətini təmin etmək məqsədilə tədbirlər görülür.