ADY və Mətbuat Şurasının birgə elan etdiyi media müsabiqəsinin qalibləri mükafatlandırıldı - FOTO | 1news.az | Xəbərlər
Cəmiyyət

ADY və Mətbuat Şurasının birgə elan etdiyi media müsabiqəsinin qalibləri mükafatlandırıldı - FOTO

Qafar Ağayev17:32 - 10 / 07 / 2024
ADY və Mətbuat Şurasının birgə elan etdiyi media müsabiqəsinin qalibləri mükafatlandırıldı - FOTO

İyulun 10-da “Azərbaycan Dəmir Yolları” QSC (ADY) və Azərbaycan Mətbuat Şurasının “Yaşıl dünya naminə həmrəylik ili” ilə bağlı elan etdiyi media müsabiqəsinin qaliblərinin mükafatlandırılması mərasimi keçirilib.

1news.az xəbər verir ki, hazırda Azərbaycan Dəmiryol Muzeyi kimi fəaliyyət göstərən tarixi Sabunçu vağzalında baş tutan tədbirdə ADY-nin və Mətbuat Şurasının rəhbərliyi, Rəqəmsal İnkişaf və Nəqliyyat Nazirliyinin və Medianın İnkişafı Agentliyinin məsul əməkdaşları, tanınmış media nümayəndələri iştirak ediblər.

Tədbirdə ADY sədrinin müşaviri Aysel Soltanova çıxış edərək müsabiqənin “Yaşıl dünya naminə həmrəylik ili” çərçivəsində keçirilməsinin əhəmiyyətini vurğulayıb. ADY rəsmisi media nümayəndələrini qarşıdan gələn Milli Mətbuat Günü münasibətilə təbrik edib, şirkət tərəfindən media ilə əməkdaşlığa xüsusi önəm verildiyini qeyd edib: “Müsabiqəyə təqdim olunan araşdırma materialları Azərbaycanın “yaşıl təşəbbüsləri”ni və gələcək planlarını nümayiş etdirir. Azərbaycan Dəmir Yolları olaraq daha dayanıqlı ətraf mühit üçün sizin araşdırmalarınızda qeyd olunan təşəbbüsləri dəstəkləyirik”.

Daha sonra tədbirdə çıxış edən Azərbaycan Mətbuat Şurasının sədri Rəşad Məcid bildirib ki, sözügedən müsabiqəyə daxil olan 40-dan çox müraciət jurnalistlərin analitik yazı, videoreportaj və məqalələrin hazırlanması üzrə bacarıqlarını əks etdirib: “Media müsabiqəsinin əhatə etdiyi istiqamətlər jurnalistlərimiz tərəfindən geniş araşdırılıb və maraqlı faktlar ortaya çıxarılıb. Peşəkar media ekspertlərindən ibarət münsiflər heyəti materialları ədalətli və şəffaf qaydada qiymətləndirib”.

Münsiflər heyətinin üzvləri professor Qulu Məhərrəmli və MEDİA-nın Müşahidə Şurasının üzvü Şəfəq Mehrəliyeva müsabiqəyə daxil olan araşdırma yazılarının dolğun, analitik və innovativ olduğunu vurğulayıblar. ADY tərəfindən müsabiqəyə hazırlıq məqsədilə təşkil edilmiş təlimin mövzuların daha əhatəli araşdırılmasına dəstək olduğu xüsusi qeyd edilib.

Müsabiqəyə 1 iyun – 1 iyul 2024-cü il tarixlərində kütləvi informasiya vasitələrindən 41 iş təqdim olunub. Müsabiqənin şərtlərinə əsasən, 12 nəfər jurnalist əsas, 15 nəfər isə həvəsləndirici mükafata layiq görülüb.

Tədbirin sonunda müsabiqənin qaliblərinə sertifikat və xatirə hədiyyələri təqdim edilib.

Qeyd edək ki, ötən il BMT-nin Qlobal Sazişinə üzv olan ADY ətraf mühit, sosial və korporativ idarəetmə sahələri istiqamətində fəaliyyət proqramını daha da təkmilləşdirərək BMT-nin Dayanıqlı İnkişaf Məqsədlərinə, eləcə də ölkə iqtisadiyyatına töhfə verməyi planlaşdırır. Son illərdə ekoloji yönümlü islahatların qabaqcıl iştirakçılarından birinə çevrilən ADY sərnişindaşımada ekoloji təmiz qatarların istismara verilməsi, eləcə də lokomotiv depolarında günəş panellərinin istifadəsi kimi bir çox istiqamətlərdə ətraf mühitin qorunmasına töhfə verir.

ADY “Yaşıl dünya naminə həmrəylik ili” çərçivəsində 2024-cü ildə də yeni texnologiyalar və rəqəmsallaşdırmanın tətbiqini sürətləndirərək tullantılardan səmərəli istifadə və təkrar emal proseslərinin genişləndirilməsi, biomüxtəlifliyin qorunması, çirkab sularının idarə olunması, eləcə də bərpa olunan enerji resurslarından istifadə istiqamətində fəaliyyətini genişləndirməyi hədəfləyir və ekoloji məsuliyyətini daha da artıraraq bütün maraqlı tərəflərlə həmrəy olmağa çalışır.

Paylaş:
297

Son xəbərlər

Bu ilin I yarısında dövlət qeydiyyatından keçən xarici investisiyalı müəssisələrin sayı açıqlanıb15 / 07 / 2024, 17:45Dünya Bankının Cənubi Qafqaz üzrə regional direktoru ilə görüş keçirilib15 / 07 / 2024, 17:31Azərbaycan və Çin dəmir yolları Orta Dəhlizin inkişafı üçün əməkdaşlığı genişləndirir15 / 07 / 2024, 17:29Qarabağ Universitetində İngilis dili müəllimi vəzifəsi üzrə vakansiyaya müraciət müddəti uzadılıb15 / 07 / 2024, 17:24Həftəsonu Müdafiə Nazirliyinin hərbi liseylərinə qəbul imtahanı keçiriləcək15 / 07 / 2024, 17:23Bakıdakı bağçalarda tərbiyəçi-müəllim vakansiyası üzrə qeydiyyata start verilir15 / 07 / 2024, 17:04BMTİP və Azərbaycan COP29-dan öncə iqlimlə bağlı fəaliyyətlərin artırılmasının zəruriliyini qeyd edir - FOTO15 / 07 / 2024, 16:58Əli Əsədov Dünya Bankının Cənubi Qafqaz üzrə regional direktoru ilə görüşüb15 / 07 / 2024, 16:48Kapital Bank-la digər banklardakı kreditlərinizi sərfəli şərtlərlə ödəyin15 / 07 / 2024, 16:41"Yeni Klinika”ya qaraciyər və böyrək köçürülməsi icazəsi verilib15 / 07 / 2024, 16:31İTV Avro-2024-ə görə tamaşaçılardan üzr istədi15 / 07 / 2024, 16:24Daha 149 kirayə mənzil satışa çıxarılıb15 / 07 / 2024, 16:05Azad olunmuş ərazilərdə ötən həftə aşkarlanmış minaların sayı açıqlandı15 / 07 / 2024, 15:42Azərbaycana turist axını artıb - RƏQƏMLƏR15 / 07 / 2024, 15:31Xalq Bank 2024-cü ilin II rübünün yekunlarını açıqladı15 / 07 / 2024, 15:19Köməyə çağırış: 12 yaşlı Hüseynin sizin dəstəyinizə ehtiyacı var - FOTO15 / 07 / 2024, 15:12Alkoqollu içkilərin idxalı və istehsalı sahəsində yeni şərtlər müəyyənləşdirilib15 / 07 / 2024, 15:05DİM: İmtahan iştirakçısı mobil telefonunu ayaqqabısının altında gizlətməyə cəhd göstərib - FOTO15 / 07 / 2024, 14:30Abşeronda narkokuryerdə 3 kq narkotik aşkarlanıb15 / 07 / 2024, 14:17Bu gün Xalq rəssamı Cəlal Qaryağdının doğum günüdür15 / 07 / 2024, 14:05
Bütün xəbərlər