Süni İntellektlə Klip: Vüqar Tahirovdan Yaradıcı Yenilik
Fade adlı musiqi videosu İtaliya, Türkiyə, İsveç, Hindistan və ABŞ-də müxtəlif nominasiyalarda qalib olub
Azərbaycanlı gənc rejissor Vüqar Tahirov Fade (Solmaq) adlı musiqi videosunu (klipini) təqdim edib. Tahirovun rejissoru olduğu bu eksperimental musiqi videosu tamamilə süni intellektdən istifadə olunaraq ərsəyə gəlməsi ilə diqqəti cəlb edir. Klipin hər bir komponenti (söz, musiqi, görüntü) süni intellekt vasitəsilə yaradılıb. Bu da süni intellektin gələcəkdə beynəlxalq film və musiqi istehsalında daha əhəmiyyətli rol oynayacağından xəbər verir.
Klip artıq müxtəlif beynəlxalq film festivallarında yarışıb və bir sıra uğurlara imza atıb.
Musiqi videosu 2024-cü ildə bir çox beynəlxalq film festivallarında ən yaxşı musiqi videosu nominasiyasında qalib olub. Bunlara İtaliyanın Roma şəhərində keçirilən "Rome International Movie Awards" festivalı, Türkiyəni İstanbul şəhərində keçirilən "Anatolian Film Awards" festivalı, İsveçdə keçirilən "Sweden Film Award" festivalı və Hindistanın Kolkata şəhərində keçirilən "Golden Lion International Film" festivalları daxildir.
Klip həmçinin, ABŞ-da keçirilən müxtəlif beynəlxalq film festivallarında uğurlara imza atıb.
ABŞ-nin Los Anceles şəhərində keçirilən "Cal Film Festival", "Cinema World Fest Awards" və "Festigious Los Angeles" beynəlxal film festivallarında ən yaxşı musiqi videosu nominasiyasında qalıb olub. Həmçinin, ABŞ-nin San Xose şəhərində keçirilən "AI International Film Festival" beynəlxalq film festivalında ən yaxşı musiqi videosu nominasiyasında baş mükafata layiq görülüb.
İyulun 18-də isə, San Xose şəhərində "AI International Film Festival" beynəlxalq festivalının keçirəcəyi rəsmi tədbirdə klipin nümayişi olacaq.
Rejissor haqqında
1993-cü ildə Bakı şəhərində anadan olan Vüqar Tahirov 2017-ci ildən bir çox incəsənət layihələrində müxtəlif vəzifələrdə işləyib. Digər layihələrində də müxtəlif illərdə beynəlxalq film festivallarında uğurlar qazanıb. Bunlara tammetrajlı film Don Marleone (2017) , Amerikasayağı Karantin (2020), qısametrajlı filmlər Fabric OF Life (2018), Let Me Run (2019), Mo Better (2023), Sidewalk Stories (2024), animasiya filmi Shadowless People (2022), musiqi videoları Fade (2024) və Morning Sun (2024) kimi layihələr aiddir.
Reklam hüququnda
