Azərbaycanın hərbçiləri Qazaxıstanda təlim çərçivəsində tranşey döyüşü nümayiş etdiriblər - FOTO - VİDEO
![Azərbaycanın hərbçiləri Qazaxıstanda təlim çərçivəsində tranşey döyüşü nümayiş etdiriblər - FOTO - VİDEO](/images/2024/07/17/20240717085526797/thumb.jpg?2024-07-17+08%3A58%3A53)
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təliminin iştirakçı ölkələrinin hərbi rəhbərliyi "Oymaşa" təlim poliqonuna gəlib.
Bu barədə 1news.az-a Azərbaycan Müdafiə Nazirliyindən bildirilib.
Nümayəndələr əvvəlcə poliqonda təlim iştirakçıları üçün yaradılan şəraitlə tanış olublar. Xarici hərbi kontingentin yerləşdiyi yerlərə və yeməkxanaya baxış keçirilib.
Sonra Azərbaycan Ordusunun təlimə cəlb edilən hərbi qulluqçuları tranşey döyüşü nümayiş etdiriblər.
Azərbaycan, Qırğızıstan, Özbəkistan və Tacikistan nümayəndə heyəti komandanlığın idarəetmə məntəqəsinə gəlib.
Təlim iştirakçılarının hazırlıq prosesi ilə bağlı ətraflı məlumat verildikdən sonra təlimdə icra ediləcək fəaliyyətlər barədə xəritə üzərində və videokonfrans vasitəsilə məruzələr dinlənilib.
Sonda qonaqlar "Birləşdik - 2024" beynəlxalq təliminin taktiki epizodunu izləyiblər.
Məhdudgörmə şəraitində qanunsuz silahlı dəstələrin məhv edilməsi üzrə tapşırıqlar təlim iştirakçıları tərəfindən yüksək peşəkarlıqla icra edilib.
![](/images/2024/07/17/20240717085526797/d_gallery/05a6fa1f-470e-348c-80a7-91ce6c98dc80.jpg)
![](/images/2024/07/17/20240717085526797/d_gallery/12ada550-d6cb-3cf1-9dfb-82cfc146c138.jpg)
![](/images/2024/07/17/20240717085526797/d_gallery/2867d92e-f040-39e9-9006-84b1b45c7b61.jpg)
![](/images/2024/07/17/20240717085526797/d_gallery/5039c27e-38be-3c59-baf6-d841af336c55.jpg)
![](/images/2024/07/17/20240717085526797/d_gallery/646597a5-ddfe-3704-9fbd-d48d29ffb603.jpg)
![](/images/2024/07/17/20240717085526797/d_gallery/6e5bb15a-9e45-32e0-9493-fa5dce44b4d1.jpg)
![](/images/2024/07/17/20240717085526797/d_gallery/7d8799d4-44c4-3a93-a2b2-b91645d06a13_850.jpg)
![](/images/2024/07/17/20240717085526797/d_gallery/c8dd2b85-e145-3273-93b2-7dae243a3def.jpg)
![](/images/2024/07/17/20240717085526797/d_gallery/ce02c9ff-6bec-3d64-bb8b-1ee333390737.jpg)
![](/images/2024/07/17/20240717085526797/d_gallery/ec0441d6-1bbc-3c31-b7ae-2cb93207d183.jpg)