Azərbaycandakı taxıl sahələrinin 90 %-də biçin yekunlaşıb
![Azərbaycandakı taxıl sahələrinin 90 %-də biçin yekunlaşıb](/images/2024/07/22/20240722010202378/thumb.jpg?2024-07-22+13%3A05%3A11)
Azərbaycandakı payızlıq taxıl sahələrinin 90 %-də biçin prosesi başa çatıb.
1news.az Kənd Təsərrüfatı Nazirliyinə istinadən xəbər verir ki, mexanizatorlar 907 845 hektar sahədə biçin aparıb, sahələrdən ümumilikdə 2 795 112 ton məhsul yığıb.
Hazırda taxıl üzrə orta məhsuldarlıq 30,8 sentner təşkil edir.
Ölkə üzrə arpa əkini sahələrinin 96,9 %-də, buğda sahələrinin 84,5 %-də biçin başa çatıb. Arpa üzrə orta məhsuldarlıq 29,3 sentner, buğda üzrə orta məhsuldarlıq isə 32 sentner təşkil edir.
İyulun 21-də biçin prosesinə 575 kombayn cəlb olunub, bunlardan 204 kombayn “Aqroservis” ASC-nin, 371 kombayn isə fiziki və hüquqi şəxslərin mülkiyyətində olan kombaynlardır. İyulun 21-də kombaynlar vasitəsilə 6 211 hektar ərazidə biçin aparılıb.
2024-cü il taxıl biçini mövsümündə taxıl üzrə ən yüksək məhsuldarlıq Hacıqabul rayonunda qeydə alınıb. Rayonda buğda üzrə orta məhsuldarlıq 55 sent/ha, arpa üzrə orta məhsuldarlıq isə 47 sent/ha təşkil edib.
![](/images/2024/07/22/20240722010202378/d_gallery/35748ce3-3c20-38b5-8070-92eeb6a4719a.jpg)
![](/images/2024/07/22/20240722010202378/d_gallery/5dc18207-f6c6-3420-9c6c-a1b1e70a1000.jpg)
![](/images/2024/07/22/20240722010202378/d_gallery/7405a1e6-d799-324f-baf5-cfa827207aa1.jpg)
![](/images/2024/07/22/20240722010202378/d_gallery/9a04670f-c36e-3bd2-a5c0-5894a51f7d57.jpg)
![](/images/2024/07/22/20240722010202378/d_gallery/afe60526-6e68-3514-990f-9bc9d25175a7.jpg)