Naxçıvanda özünü polis əməkdaşı kimi təqdim edən şəxs saxlanılıb

Daxil olan şikayət əsasında həyata keçirilən tədbirlərlə özünü polis əməkdaşı kimi təqdim edən Babək rayon sakini Maqsudov Məhəmməd saxlanılıb.

1news.az AZƏRTAC-a istinadən xəbər verir ki, Naxçıvan Muxtar Respublikası Daxili İşlər Nazirliyinin mətbuat xidmətindən bildirilib ki, araşdırmalarla onun özünü Şahin adlı polis əməkdaşı kimi təqdim edərək müxtəlif qeyri-qanuni hərəkətlərə yol verdiyi müəyyən edilib.

M.Maqsudovun qanunsuz əməllərindən zərərçəkən başqa vətəndaşlar olarsa, bu barədə 102 Xidməti - Zəng Mərkəzinə, habelə Naxçıvan MR Daxili İşlər Nazirliyinin (+036 545-08-03 , 545-28-96) telefon nömrələrinə məlumat verə bilərlər.