ADY mobil defektoskop laboratoriyasından istifadə etməyə başlayıb
"Azərbaycan Dəmir Yolları" QSC (ADY) hərəkət təhlükəsizliyini, relslərin sazlığını təmin etmək üçün dəmir yolu xətlərinin yoxlanılmasında Böyük Britaniya istehsalı olan müasir MDL- “Land Rover” mobil defektoskop laboratoriyasından istifadə edir.
1news.az bu barədə səhmdar cəmiyyətinə istinadən xəbər verir.
Məlumata görə, kombinə edilmiş MDL -“Land Rover” yolların əks səda və güzgü kölgə nəzarət metodu ilə ultrasəs diaqnostikasını aparır, mövcud və ya yarana biləcək nöqsanları operativ qaydada aşkarlayır, müvafiq məlumatları qeyd edir və onları sonrakı təhlil üçün vahid məlumat bazasına ötürür.
Yevlax-Balakən istiqamətində bu defektoskop laboratoriya vasitəsilə 162 km rels təsərrüfatı yoxlanılıb, əldə olunan məlumatlar əsasında görüləcək işlər müəyyən edilib.
