“Bershka” markası bu gündən etibarən Bakıda onlayn satışlara start verib - VİDEO
“Bershka” markası bu gündən etibarən Bakıda onlayn satışlara start verib.
Bununla “Bershka”, “Inditex Group”un biznes fəaliyyəti ilə məşğul olduğu bütün bazarlarda tam inteqrasiya olunmuş mağazalar şəbəkəsinin və onlayn modellərin davamlı genişləndirilməsində yeni səhifə açmış olur. Bershka.com/az saytı Azərbaycanda onlayn alıcılara 2024-cü ilin payız-qış kolleksiyası daxil olmaqla, mövcud qadın və kişi kolleksiyalarının tam çeşidini təqdim edəcək.
Alıcılar həmçinin “Bershka” tətbiqindən istifadə edərək (IOS və “Android” üçün) yeni onlayn satış platformasından yararlana bilərlər. Onlayn alış-veriş prosesini asanlaşdırmaq üçün “Bershka”nın mobil veb-saytında və tətbiqində müxtəlif kateqoriyalar işlənib hazırlanıb. Bu kateqoriyalar ən son obrazları, tendensiyaları və “story”ləri əsas səhifədə bir araya gətirir.
Ölkənin əsas regionlarına bütün çatdırılma üsulları üçün təxmini çatdırılma müddəti 7-9 iş günüdür. Bundan başqa, müştərilər alınan malları 30 gün ərzində onlayn şəkildə və ya istənilən mağazada dəyişdirmə və ya geri qaytarma seçimindən yararlana bilərlər. İlk 2 həftə ərzində həyata keçirilən ilk çatdırılma pulsuzdur.
“Bershka” markası haqqında
BERSHKA MARKASI TEXNOLOGİYALARIN, MUSİQİNİN VƏ SOSİAL ŞƏBƏKƏLƏRİN QOVŞAĞINDA FƏALİYYƏT GÖSTƏRİR. KREATİV, CƏLBEDİCİ VƏ EKSPERİMENTAL BRENDİN MƏQSƏDİ MƏLUMATLI ŞƏHƏR GƏNCLƏRİNİ YENİ VƏ AKTUAL DƏB TENDENSİYALARI İLƏ TANIŞ ETMƏK VƏ ONLARI POPULYARLAŞDIRMAQDIR.
Reklam hüququnda
