“Azərxalça” və Gimnastika Federasiyasından Mehriban Əliyevanın doğum günü ilə bağlı maraqlı VİDEOÇARX
Azərbaycanın birinci xanımı, Azərbaycan Respublikasının Birinci vitse-prezidenti və Heydər Əliyev Fondunun prezidenti Mehriban Əliyevanın bu gün ad günüdür.
1news.az xəbər verir ki, bu gün münasibəti ilə “Azərxalça” ASC və Azərbaycan Gimnastika Federasiyası Mehriban xanımın Azərbaycan xalçaçılıq və gimnastika tarixində gördüyü əvəzsiz işlər, xidmət və sevginin əlaməti olaraq ortaq video rolik hazırlayıb. Belə ki, hər iki sahənin inkişafı, dünyada tanınması və sevilməsi uğrunda ən böyük xidmətləri məhz Mehriban Əliyeva göstərib. Video materialın ideya müəllifi “Azərxalça” ASC-ə məxsusdur. Video təbrikin çəkilişləri isə Gimnastika Federasiyasında aparılıb. Çəkiliş zamanı Azərbaycanın müxtəlif xalçaçılıq məktəblərinə aid müxtəlif ölçülü yun və ipək xalçalardan istifadə olunub.
Mehriban xanımı səmimi qəlbdən təbrik edir, ona möhkəm cansağlığı, firavanlıq və Azərbaycan Respublikasının tərəqqisi naminə fəaliyyətində uğurlar arzu edirik!
