Metronun “Nizami” stansiyasında qatarda nasazlıq yarandı, xəttə ehtiyat qatar buraxıldı

"Nizami" stansiyasında texniki nasazlıq səbəbilə sərnişinlər düşürülməklə qatar "Nərimanov" elektrik deposuna göndərilib.

"Bakı Metropoliteni" QSC-nin mətbuat xidmətindən 1news.az-a verilən məlumata görə, nəticədə, bu, "Nizami-Dərnəgül" sahəsində iki qatar arasında interval pozulmasına səbəb olub. Digər sahələrdə qatarlar arasında normal interval fərqi təmin edilib.
Xəttə dərhal ehtiyat qatar buraxılıb.