Gəncədə telekommunikasiya naqillərini oğurlayan şəxslər saxlanılıblar

Gəncə Şəhər Baş Polis İdarəsinin əməkdaşlarının keçirdikləri tədbirlər nəticəsində müxtəlif vaxtlarda şəhər ərazisindəki telekommunikasiya naqillərini oğurlayan Muraz Cəfərov və Asif Ələkbərov saxlanılıblar.

1news.az “Report”a istinadən xəbər verir ki, Daxili İşlər Nazirliyinin Mətbuat Xidmətinin Gəncə Regional Qrupundan verilən məlumata görə, onlar ümumi dəyəri 29224 manat olan 4503 metr uzunluğundakı naqilləri oğurlayaraq metal qəbulu məntəqələrinə satıblar.

Faktla bağlı araşdırmalar davam etdirilir.