Bakıda PR Forum 2024 keçirildi - FOTO

Böyük tədbirlərə ev sahibliyi etməyi xoş ənənəyə çevirən Yelo Bank, bu dəfə Baş Ofisində PR Forum 2024 iştirakçılarını qonaq etdi.

1news.az xəbər verir ki, 27 noyabrda Yelo Bank-ın dəstəyi, Finance Time şirkətinin təşkilatçılığı və 123media-nın birgə təqdimatı ilə PR Forum 2024 keçirildi.

Yelo Bank-ın İdarə heyətinin sədri Anar Həsənov öncə qonaqları salamladı, hazırkı dövrdə PR sahəsindəki çətinliklərə diqqət çəkdi və bu məsuliyyətli işdə hər kəsə uğurlar arzuladı.

Süni İntellekt, Böhran kommunikasiyası və Strateji kommunikasiya panelləri üzrə baş tutan forumda sektorun tanınmış simaları çıxış etdi. Onlar öz uğur hekayələrini, nailiyyətlərini və çətinlikləri necə aşdıqlarını paylaşdılar.

Forum sektordakı şəxsləri bir araya gətirərək, yeni əlaqələrin qurulmasına və peşəkar şəbəkələşmənin formalaşmasına vəsilə oldu.Yelo Bank bu kimi tədbirlərdə fəal iştirakı ilə medianın inkişafını və şəffaf iş mühitinin formalaşmasını dəstəkləyir.

PR Forum 2024 Tərəfdaşları – VXSİDA/İnnovasiyalar Mərkəzi, A-Qroup Sığorta Şirkəti, TAM Advisory , Aliyevents, La Aristocratie Jewellery, C`est Bon, AzPrint

Media dəstəyi - 1news.az, Asan TV və Asan Radio