Dövlət dəstəyi ilə lentə alınmış filmlərin təqdimatına başlanır

Yanvarın 17-də saat 19:00-da Nizami Kino Mərkəzində Mədəniyyət Nazirliyi və Azərbaycan Respublikası Kino Agentliyinin (ARKA) dəstəyi ilə lentə alınmış “Erkən hisslər” filminin təqdimatı keçiriləcək.

Mədəniyyət Nazirliyindən 1news.az-a verilən məlumata görə, “Rental Azərbaycan” MMC tərəfindən istehsal olunmuş “Erkən hisslər” qısametrajlı bədii filmi 2023-cü ilin sonunda keçirilmiş film müsabiqəsinin qalib işlərindəndir. Ekran işini gənc rejissor Nurlan Həsənli lentə alıb.