Plastik cərrahlarla bağlı problemlər araşdırılır - Baş prokuror

Səhiyyə Nazirliyi və Baş Prokurorluq saxta sertifikatlı plastik cərrahlarla bağlı birgə komissiya yaradıb. Səhiyyə Nazirliyinin müraciəti əsasında faktlarla bağlı cinayət işi başlanılıb.

1news.az APA-ya istinadən xəbər verir ki, bunu Baş prokuror Kamran Əliyev jurnalistlərə açıqlamasında deyib.

Kamran Əliyev deyib ki, istintaq davam edir, gedişat barədə ətraflı məlumat veriləcək:

"Baş prokurorluq, Səhiyyə Nazirliyi və digər qurumlar bu sahədəki problemləri araşdırıb, gələcəkdə baş verməməsi üçün qabaqlayıcı tədbirlər görəcək".