Avtomobildən oğurluq edən şəxs saxlanıldı

Bakıda avtomobildən oğurluq edən şəxs saxlanılıb.

1news.az xəbər verir ki, bu barədə Daxili İşlər Nazirliyi məlumat yayıb.

Bildirilib ki, Qaradağ rayonu Lökbatan qəsəbəsi ərazisində “Mercedes” markalı avtomobildən 1150 manat pul oğurlanması barədə polisə məlumat daxil olub.

Qaradağ RPİ 10-cu Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 32 yaşlı O.İbrahimov müəyyən olunaraq saxlanılıb.

Faktla bağlı araşdırma aparılır.