Binəqədidə avtobus problemi: Sərnişinlər qapıdan sallanaraq daşınır - VİDEO
Binəqədi qəsəbəsindən- Azadlıq metro stansiyasına istiqamətində fəaliyyət göstərən 41 saylı marşrut avtobusunda sərnişinlərin təhlükəli şəraitdə daşınmasını əks etdirən görüntülər yayılıb.
1news.az-ın əməkdaşı tərəfindən qeydə alınan kadrlarda avtobusun həddindən artıq dolu olduğu və bir neçə sərnişinin açıq qapıdan sallanaraq hərəkət etdiyi müşahidə olunur.
Bu vəziyyət ictimai nəqliyyatda mövcud problemləri bir daha gündəmə gətirib. Sərnişinlərin təhlükəsizlik qaydalarına zidd şəkildə səyahət etməsi həm onların, həm də digər yol hərəkəti iştirakçılarının həyatı üçün ciddi risk yaradır.
41 saylı marşrut xəttindən istifadə edənlər bildirir ki, vəziyyət o qədər acınacaqlıdır ki, onlar pik saatlarda işə gecikməmək üçün həyatlarını təhlükəyə ataraq qapıdan sallanaraq getməyə də razı olurlar. Qeyd olunur ki, interval çox olduğu üçün növbəti avtobusu gözləmək onların gedəcəyi yerə gecikməsinə səbəb olur.
