TƏBİB Tovuzda zəhərlənən məktəblilərin son durumunu açıqlayıb- YENİLƏNİB
TƏBİB Tovuzda zəhərlənən məktəblilərin son durumunu açıqlayıb.
1news.az-ın "Report"a istinadən xəbərinə görə, qurumdan bildirilib ki, Respublika Təcili və Təxirəsalınmaz Tibbi Yardım Mərkəzinə 11.04.2025-cü il tarixində saat 09:40 radələrində Tovuz rayonunun Düz Cırdaxan kənd orta məktəbində tüstüdən zəhərlənmə şübhəsilə çağırış daxil olub.
"Çağırış ünvanına təcili tibbi yardım briqadaları cəlb olunub. 5 nəfər ( məktəbli) Tovuz Rayonu Mərkəzi Xəstəxanasının Təcili yadım şöbəsinə hospitalizasiya olunub. Onlara dəqiqləşməmiş tüstü zəhərlənməsi diaqnozu təyin edilib.
Onların hər birinə zəruri tibbi xidmətlər göstərilib. Hazırda vəziyyətləri qənaətbəxş qiymətləndirilir"- TƏBİB-dən vurğulanıb.
10:55
Tovuz rayonunda məktəblilər zəhərlənib.
1news.az-ın "Report"a istinadən məlumatına görə, hadisə Düz Cırdaxan kənd tam orta məktəbində qeydə alınıb.
Belə ki, beş şagird zəhərlənmə diaqnozu ilə Tovuz Rayon Mərkəzi Xəstəxanasına yerləşdirilib.
Faktla bağlı araşdırma aparılır.
