PAŞA Holding-in dəstəyi ilə, “Her IT Journey 3” layihəsi 2025-ci ildə davam edir

Bir müddət öncə Safavy.org onlayn təhsil platforması tərəfindən təşkil edilən, eləcə də PAŞA Holding tərəfindən dəstək olunan “HER IT Journey 3” layihəsinin açılış tədbiri keçirilib.

Safavy.org onlayn təhsil platforması Azərbaycanda ilk video əsaslı təhsil startapıdır və yalnız Azərbaycan dilində video dərslər istehsal etməkdən əlavə, eyni zamanda ölkədə xanımların rəqəmsal bacarıqlarının artırılması istiqamətində bir sıra sosial layihələr icra edir.

Sözügedən layihərərdən biri “Her IT Journey” layihəsidir. İlk 2 dalğada toplam 85 regionlarda yaşayan xanımlara İnformasiya Texnologiyalar (İT), UIUX dizayn, Data analitika sahələri üzrə dərslər keçirilmişdir. Layihənin əsas məqsədi ölkənin regionlarında yaşayan və ya paytaxta təhsil almaq üçün gələn xanımların rəqəmsal bacarıqlarını artırmaq, əmək bazarına inteqrasiyasını stimullaşdırmaq və karyera qurmaq istiqamətlərində yumşaq bacarıqların öyrədilməsindən ibarətdir.

Qadın sahibkarlığı mövzusu PAŞA Holding-in KSM strategiyasında mühüm yer tutur. Bu istiqamətdə PAŞA Holding və onun törəmə şirkətləri müxtəlif layihələr həyata keçirir ki, bura AFAQ layihəsi, Ana Sahibkar, Woman Bazaar layihələri daxildir. Qeyd edək ki, ötən il PAŞA Holding Azərbaycanın voleybol üzrə milli yığma komandasını da dəstəkləyib.