“28 May” metro stansiyasının yaxınlığında yerləşdirilən köşk söküldü – FOTO

Ötən gün Azərbaycan Dövlət Neft və Sənaye Universitetinin yaxınlığında quraşdırılan və sakinlərin narazılığına səbəb olan köşklə bağlı məlumat vermişdik.

1news.az-ın müxbirinin məlumatına görə, bu səhər həmin köşk artıq yerində olmayıb.

Qeyd edək ki, Bakı şəhərinin Nəsimi rayonunda, “28 May” metro stansiyasının yaxınlığında 3 iyun gecə saatlarında ticarət köşkünün quraşdırılmışdı.

Bu məsələ sosial şəbəkələrdə böyük müzakirələrə səbəb olmuşdu. İstifadəçilər həmçinin köşklərin Azərbaycan Dövlət Neft və Sənaye Universitetinin yaxınlığında piyadaların hərəkətinə maneə yaradacağından narahat idilər.