1news.az

Azərbaycanda möhtəşəm stadion inşa ediləcək - FOTO

6 Avqust saat 13:10 ~ 1 dəqiqəlik oxu 2170
Azərbaycanda möhtəşəm stadion inşa ediləcək - FOTO

Dünya stadion tikililərində ilk dəfə olaraq Sumqayıt stadionunun qarşısında nerj materialdan hazırlanmış iki futbolçunun mücadilə formatlı heykəli-hərəkətli fəvvarə kompleksi ucaldılacaq.

1news.az xəbər verir ki, bunu Trend-ə stadionun yeni dizayn tərtibat layihəsinin memarı Cahid Həsənov deyib.

Onun sözlərinə görə, bu heykəlin ətrafında hərəkətli fəvvarə inşa olunacaq. Bu fəvvarələr dünya futbolunda məhşur "Meksika dalğası" (yəni azərkeşlərin çiyin-çiyinə verərək yaratdığı dalğa) rolunu oynayacaq.

C.Həsənov əlavə edib ki, dünya stadion tikililərində bir yenilik olan Sumqayıt stadionunun yeni dizaynı modern üslubda olmaqla şəhər memarlığına böyük töhvə verəcək:

“Stadionun ərazisində müxtəlif idman istiqamətləri üzrə 6 heykəl-konstruksiya da quraşdırılacaq. Bu da stadionun təkcə futbol oyunlarının deyil, müxtəlif idman yarışlarının keçiriləcəyi bir məkan olacağına işarədir”.

C.Həsənov artıq yeni stadionun tikintisi üçün betontökmə işlərinə başlanıldığını, stadionun gələn il ərzində təhvil veriləcəyini də açıqlayıb.

1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net