“Sədərək”də 60 dükan yanıb, zəhərlənənlər var - VİDEO - FOTO – YENİLƏNİB
"Sədərək" ticarət mərkəzində baş verən yanğın söndürülüb.
1news.az xəbər verir ki, bu barədə Fövqəladə Hallar Nazirliyindən (FHN) məlumat veriblər.
Tibbi Ərazi Bölmələrinin İdarəetmə Birliyindən (TƏBİB) Trend-ə verilən məlumata görə, yanğında beş nəfər tüstüdən zəhərlənib, bir nəfər isə yüngül xəsarət alıb.
Yanğınla əlaqədar əraziyə 5 tibbi briqada cəlb edilib: "Hadisə nəticəsində 9 nəfərə yerində yardım göstərilib, 1 nəfər travma ilə Kliniki Tibbi Mərkəzə yerləşdirilib".
Onlardan ikisi 160 kvadratmetrlik ayaqqabı mağazalarıdır.
Qeyd edək ki, Fövqəladə Hallar Nazirliyinin "112" qaynar telefon xəttinə, Bakı şəhərinin Qaradağ rayonu, Lökbatan qəsəbəsində yerləşən "Sədərək" Ticarət Mərkəzində yanğın baş verməsi barədə məlumat daxil olub. Dərhal Nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub. Hazırda Fövqəladə Hallar nazirinin müavini general-leytenant Etibar Mirzəyev hadisə yerindədir.
09:23
Bakıda ticarət mərkəzində yanğın baş verib.
1news.az-ın məlumatına görə, hadisə Lökbatan qəsəbəsindəki “Sədərək” ticarət mərkəzində qeydə alınıb.
Fövqəladə Hallar Nazirliyinin (FHN) mətbuat xidmətindən bildiriblər ki, ticarət mərkəzinin birinci zonasında cərgənin tavanında başlayan yanğın qısa müddətdə mağazalara keçib.
Hadisə yerinə FHN-in yanğından mühafizə xidmətinin canlı qüvvə və texnikaları cəlb olunub.
Yanğının qarşısının alınması istiqamətində işlər görülür.
FHN-nin mətbuat xidmətinin rəhbəri Gülçin Mehdiyeva faktı təsdiqləyib.
O, hadisə ilə bağlı ictimaiyyətə əlavə məlumat veriləcəyini deyib.
1news.az