1news.az

İnsan Resursları mütəxəssisləri Bakıda bir araya gəldilər – FOTO

15 Noyabr saat 10:20 ~ 1 dəqiqəlik oxu 802
İnsan Resursları mütəxəssisləri Bakıda bir araya gəldilər – FOTO

Noyabrın 15-də Bakıda "Opalus Partners Group" şirkətinin təşkilatçılığı ilə "HR Meetup" tədbiri keçirilib.

1news.az-ın məlumatına görə, silsilə şəkilində keçirilməsi planlaşdırılan "HR Meetup" görüşlərinin əsas məqsədi İnsan Resursları mütəxəssislərini bir araya toplamaq, bu sahədə müxtəlif mövzular ətrafında fikir mübadiləsi aparmaq, ayrı-ayrı şirkətlərdə tətbiq edilən İR alətləri ilə tanış olmaqdır.

Tədbirin əsas mövzusu İR və rəqəmsallaşma olub. Spikerlər - Mədinə Paşayeva (SOCAR AQS), Sona Abbasova (PAŞA Bank), Faiq Musayev (Expressbank) və Samir Şalbuzov (PRONET) öz İR üzrə təcrübələrini paylaşıblar. Tədbir interaktiv formatı ilə yadda qalıb.

"Opalus Partners Group" tərəfindən növbəti "HR Meetup" tədbiri dekabr ayına planlaşdırır. Qeyd edək ki, 2019-cu ildə fəaliyyətə başlayan “Opalus Partners Group” şirkəti İnsan Resursları barədə məsləhətlər almaq və qərarlar qəbul etmək istəyən müəssisələrə xidmət göstərir. Bu, “Opalus Partners Group”a müraciət edən müəssisə və təşkilatlara daha yaxşı, işgüzar qərarlar verməyə və daha yaxşı iş yeri qurmağa imkan verir.

Şirkətin əsas məqsədi öz təcrübəsindən yararlanaraq digər təşkilatlara İR funksiyası startapı, İR strategiyası yaratmağa yardım etmək, əmək haqqının idarə edilməsi, həvəsləndirici amillər planının hazırlanması və digər sahələr üzrə bir sıra korporativ təlimlər keçirməkdir.

1news.az

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net