1news.az

Qarabağ münaqişəsi ilə bağlı BMT qətnamələrinin icra olunması üçün petisiya hazırlanıb

21 Oktyabr saat 21:37 ~ 1 dəqiqəlik oxu 1290
Qarabağ münaqişəsi ilə bağlı BMT qətnamələrinin icra olunması üçün petisiya hazırlanıb

Bildiyiniz kimi, Ermənistanın Azərbaycana etdiyi təcavüzlə bağlı BMT Təhlükəsizlik Şurası tərəfindən 1993-cü ildə 4 qətnamə saylı (822, 853, 874 və 884) qəbul olundusa da, bu qətnamələrin hər birində ermənilərin təcavüzkar siyasəti pislənilsə də və erməni hərbi birləşmələrinin zəbt etdikləri Azərbaycan torpaqlarından qeyd-şərtsiz çıxmaları birmənalı şəkildə tələb olundusa da, bu tələblər indiyə qədər yerinə yetirilməyib.

Bakı Media Mərkəzindən 1news.az-a bildirilib ki, göstərilən münaqişələrlə bağlı BMT və onun Təhlükəsizlik Şurasının qəbul etdiyi sənədlərdə təcavüzkar konkret olaraq göstərildiyi halda, təcavüzkar tərəfindən qətnamədə göstərilən tələblərin yerinə yetirilməməsinə görə heç bir sanksiyalar tətbiq olunmayıb.

"BMT təhlükəsizlik şurasının bu qətnamələrinin tez bir zamanda icra olunmasını dəstəkləmək üçün petisiya hazırlanıb. Petisiyanı imzalamaq üçün linkə daxil ola bilərsiniz. Həqiqəti və ədaləti dəstəkləyək!"

Qeyd edək ki, petisiya ilə bağlı Bakı Media Mərkəzi ingilis dilində xüsusi videoçarx hazırlayıb. Videoçarxla Bakı Media Mərkəzinin rəsmi sosial şəbəkə səhifələrində tanış olmaq olar.

Facebook: https://www.facebook.com/1402834436617491/posts/2994095594158026/

Instagram: https://www.instagram.com/tv/CGm0yDZptcS/?igshid=xi0ka42lcrd5

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net