Hikmət Babaoğlu: “Prezidentin sərəncamı çətin günlərdə ailələrə sevinc və ümid bəxş etdi”
“Prezident İlham Əliyevin sərəncamı ilə 176 məhkumun əvf edilməsi böyük humanizm nümunəsidir və yaşadığımız çətin günlərdə çoxsaylı azərbaycanlı ailəsinə sevinc və ümid bəxş etdi” .
Bunu 1news.az-a açıqlamasında Milli Məclisin deputatı Hikmət Babaoğlu deyib. Deputat bildirib ki, məhkumların əfv edilməsi Ümummilli ilder Heydər Əliyevin yaratdığı hüquqi-humanist ənənlərin davamıdır və xalqımız tərəfindən olduqca yüksək qiymətləndirilir .
“Təsadüfi deyil ki , bu günə qədər Azərbaycan Prezidenti İlham Əliyevin və Birinci vitse – pezident Mehriban xanım Əliyevanın təşəbbüsü ilə qəbul edilmiş amnistiya aktları nəticəsində 40 mindən çox vətəndaşımız əfv edilib . Bu sadəcə statistika deyil həmin sayda ailənin sevinci deməkdir .Əfv sərəncamı imzalanarkən istinad edilən dəyərlər xalqımızın əsrlər boyu formalaşdırdığı və bu gün də cəmiyyətimizdə milli birliyin və həmrəyliyin əsasında duran yüksək mənəvi dəyərlərdir ki , bu da özlüyündə xüsusi qiymətləndirilməlil bir hadisədir”.
Deputatın sözlərinə görə, hazırda bütün dünyada olduğu kimi ölkəmizdə də koronovirus epidemiyası yayılıb və bunun nəticəsində müəyyən yaş qrupuna daxil olan vətəndaşlarımızın sağlığı ciddi təhdid altına düşüb .
“Tibb işçilərimiz bu qrupu xüsusi risq qrupu kimi səciyyələndirir və onların xüsusi qayğıya və qorunmaya ehtiyacı olduqlarını bildirir. Azərbaycan Prezidenti tərəfindən məhz belə kritik bir məqamda əfvlə bağlı qərarın qəbul edilməsi həmin vətəndaşlarımıza xüsusi qayğının və diqqətin təzahüridir . Ancaq əlbətdə bu addım nə qədər vacib və humanistirsə bir o qədər də əfv olunan vətəndaşlarımız tərəfindən həssaslıqla qiymətləndirilməsi lazım olan hadisədir . Çünki bu əfvdən sui istifadə etmək , yenidən cinayət əməllərinə meyylənmək əsla yolverilməzdir və ciddi ictimai qınaq yarada bilər .Ona görə də istər əvf edilmiş məhkumlar istərsə onların yaxınları bu humanist addımı məhz ictimai maraqlar nöqteyi-nəzərindən qiymətləndirməli , ümummilli həmrəyliyimzə töhvə verəcək mühüm hadisə kimi dəyərləndirməlidirlər . Çünki bütövlükdə azərbaycan cəmiyyəti hadisəni haqlı olaraq belə də qiymətləndirir”.
Xatırladaq ki, ötən gün Prezident İlham Əliyev "Məhkum edilmiş bir sıra şəxslərin əfv olunması haqqında" sərəncam imzalayıb. Sərəncamla, 176 azadlıqdan məhrum etmə cəzasına məhkum edilmiş şəxs cəzanın çəkilməmiş hissəsindən azad ediliblər.
Qafar Ağayev
