“15-ci Petersberq İqlim Dialoqu” Azərbaycanı dəstəkləyir! | 1news.az | Xəbərlər
Siyasət

“15-ci Petersberq İqlim Dialoqu” Azərbaycanı dəstəkləyir!

12:18 - 28 / 04 / 2024
“15-ci Petersberq İqlim Dialoqu” Azərbaycanı dəstəkləyir!

Son dövrlərdə bütün dünya xalqlarının davamlı inkişaf üçün müəyyən çətinliklər yaradan iqlim dəyişikliyi problemi, eyni zamanda planetin biomüxtəlifliyi üçün ciddi təhlükə hesab edilir.

Xüsusilə, dördüncü sənaye inqilabının gətirdiyi dəyişikliklər nəticəsində böyük sənaye mərkəzlərinə malik olan əksər ölkələrdə iqlim dəyişikliyi özünü ciddi şəkildə büruzə verir.

Beynəlxalq platformalarda müxtəlif mövzuların müzakirələrini təşkil edən beyin mərkəzlərinin idarəediciləri kifayət qədər gözəl başa düşürlər ki, doğrudan da bu qəbildən olan məsələlərin həllini daha yaxşı, səmərəli təşkil etmək üçün yeganə mexanizm sağlam dialoqun təşviqidir.

Bunu Milli Məclisin deputatı Məzahir Əfəndiyev deyib.

O bildirib ki, bu baxımdan belə qlobal siyasi problemlərin həllində eko-dialoqun aparılması, bu işin daha da təkmilləşdirilməsi iqlim dəyişikliyi ilə mübarizədə ən mühüm addımlardan biri hesab olunur. Beləliklə, 1992-ci ildə dünya dövlətləri tərəfindən qəbul olunmuş Birləşmiş Millətlər Təşkilatının İqlim dəyişmələri haqqında Çərçivə Konvensiyasından irəli gələn işlərdə daha fəal tədbirlərin həyata keçirilməsi üçün dövlət və hökumət başçıları, siyasətçilər, parlamentarilər, araşdırma mərkəzləri, özəl sektor, QHT-lər, ekologiya sahəsində ixtisaslaşan təşkilat və mütəxəssislər iqlim dəyişikliyi ilə mübarizə naminə davamlı və qeyri-rəsmi dialoq yaradaraq ilk dəfə aprel 2-4-də Almaniyanın Berlin şəhərində “1-ci Petersberq İqlim Dialoqu” çərçivəsində toplanıblar.

Onun sözlərinə görə, bu il aprel 26-da keçirilən növbəti, “15-ci Petersberq İqlim Dialoqu”nda COP29-a ev sahibliyi edəcək ölkə kimi Azərbaycanın yer alması, Azərbaycan Prezidentinin bu tədbirdə iştirakı bir daha ölkəmizin iqlim dəyişikliyi ilə bağlı məsələlərdə atdığı addımları, mövcud siyasətini dünya ictimaiyyətinə təqdim etməsinə imkan verdi.

Həmin beynəlxalq platformadan məharətlə istifadə edərək Prezident İlham Əliyev faydalı qazıntı yataqları ilə zəngin olan ölkə kimi Azərbaycanın qlobal yaşıl gündəliyin icrasında əhəmiyyətli rolunu ortaya qoydu, iqtisadiyyatın dekarbonizasiyası, habelə alternativ enerjidən səmərəli istifadə strategiyasını xüsusi vurğuladı. Nəzərə alsaq ki, Azərbaycan son illərdə Avropa İttifaqı üçün əsas təbii qaz təchizatçısına çevrilib, alternativ enerjinin əldə olunması üçün görülən tədbirlər, ölkə başçısının qeyd etdiyi kimi, Avropaya lazım olan böyük həcmdə təbii qaza qənaət etmək üçün şərait yaradacaqdır: “Hazırda Xəzərdə külək enerjisi stansiyalarından Avropaya vahid ötürülmə xətlərini, o cümlədən Qara dənizin dibi ilə kabeli çəkmək üçün texniki əsaslandırma işlərinin son mərhələsindəyik. Bu, dörd qiqavat həcmində Azərbaycanın yaşıl enerjisini Avropaya ixrac etmək imkanını yaradacaq”.

Məzahir Əfəndiyev qeyd edib ki, ümumiyyətlə yaşıl keçid üzrə icra edilən meqa layihələr çərçivəsində Azərbaycanın 2027-ci ilin sonuna qədər 2000 meqavat günəş və yaşıl enerji imkanlarına nail olması, doqquz elektrik enerjisi stansiyası, 2030-cu ilə qədər isə əlavə 5000 meqavat gücündə 10 günəş, külək enerjisi stansiyalarının istismara verilməsi ilə bağlı qarşıya qoyulmuş hədəflər, imzalanmış beynəlxalq müqavilələr mövcud alternativ enerji ehtiyatlarımızın, eləcə də malik olduğumuz potensialın bariz göstəricidir.

Eyni zamanda, Almaniyaya səfər çərçivəsində Prezident İlham Əliyevin Almaniyanın Federal Kansleri Olaf Şoltsla ikitərəfli və geniş tərkibdə görüşü, hər iki ölkə liderinin birgə mətbuat konfransı keçirməsi ölkəmizin Almaniya, o cümlədən Avropa İttifaqı üçün əhəmiyyətini, habelə regional inteqrasiya və iqtisadi inkişaf sahələrinə böyük töhfələr verdiyini bir daha nümayiş etdirdi.

“Fəxarətlə deyə bilərik ki, 1994-cü ildə “Əsrin müqaviləsi”nə imza atan, dünyada etibarlı neft-qaz ölkəsi kimi tanınan Azərbaycan bu gün dördüncü sənaye inqilabının baş verdiyi bir dövrdə özünün energetika siyasətini uğurla “yaşıl” enerji, “yaşıl” iqtisadiyyat siyasətinə transformasiya edir, dünyada enerji təhlükəsizliyinin təmin edilməsində yaxından iştirak edir.

Beləliklə, Prezident İlham Əliyev Azərbaycanın hər bir platformada gördüyü işlərin yalnız təhlükəsizliyə, xalqların və insanların sülh, rifah içində, yaxşı yaşamalarına kökləndiyini diqqətə çatdırır. Bu isə, öz növbəsində, Azərbaycanın həyata keçirdiyi bütün layihələrdə Dayanıqlı İnkişaf Məqsədlərinin hədəflərini nəzərə aldığının, nəinki “yaşıl” Gündəliyin, eyni zamanda “2030 Gündəliyi”nin icrasına verilən töhfənin bariz nümunəsidir”, - deyə Milli Məclisin deputatı vurğulayıb.

Paylaş:
301

Son xəbərlər

Bu ilin birinci yarımilində 8 prokurorluq işçisi cəzalandırılıbBu gün, 12:48Fatmayıda evdən 20 min manatlıq avtomobil ehtiyat hissələri oğurlanıbBu gün, 12:41Yağış yağacaq, 38 dərəcə isti olacaq - ProqnozBu gün, 12:32Gürcüstanda zəlzələ olub, Azərbaycanın sərhəd rayonlarında da hiss edilibBu gün, 12:2925 şəxs cinayət başında yaxalanıbBu gün, 12:25Kamran Əlyev: İntihar və intihara cəhd hallarının sayı əhəmiyyətli dərəcədə azalıbBu gün, 12:15Yasamalda ağaclar kəsilib, iş hüquq-mühafizə orqanlarına göndəriləcəkBu gün, 12:10Baş prokuror: Əvvəlki illərdən bağlı qalmış 4 xüsusilə ağır cinayətin üstünün açılması təmin edilibBu gün, 12:03Yasamalda uşaq bağçasından oğurluq edilibBu gün, 11:48İcma: Qərb dövlətləri azərbaycanlıların qayıdış hüququ mövzusundakı ayrı-seçkiliyə son qoymalıdırBu gün, 11:21Ədliyyə orqanlarına qulluğa qəbulla bağlı keçirilmiş söhbət mərhələsinin nəticələri açıqlanıbBu gün, 11:19BDYPİ uzaq yola çıxan sürücülərə müraciət edibBu gün, 10:59“Ağdaş” futbol klubunun prezidenti çayda boğularaq ölübBu gün, 10:31AFFA rəsmisi Konfrans Liqasının oyununa təyinat alıbBu gün, 10:21İdeal seçiminiz: qabaqcıl süni intellekt texnologiyalı ASUS Vivobook S 15 - FOTOBu gün, 10:00FHN əməkdaşları Xırdalanda köməksiz vəziyyətdə qalan azyaşlını xilas edib - VİDEOBu gün, 09:58Şimşək çaxıb, leysan xarakterli yağıb - Faktiki havaBu gün, 09:46Bayden prezidentliyə namizədliyini geri götürübBu gün, 09:25AMB günün valyuta məzənnələrini açıqladıBu gün, 09:18İlham Əliyev Milli Mətbuat Günü münasibətilə paylaşım edibBu gün, 09:06
Bütün xəbərlər