Azərbaycan Prezidenti ABŞ-da Nüvə Təhlükəsizliyi Sammitində iştirak edəcək
Prezident İlham Əliyev mart ayının sonunda Vaşinqtonda keçiriləcək Nüvə Təhlükəsizliyi Sammitində iştirakını təsdiq edib.
Bu haqda 1news.az “İnterfaks-Azərbaycan” agentliyinə istinadla xəbər verir.
“Prezident İlham Əliyev amerikalı həmkarı Barak Obamanın dəvətinə müsbət cavab verib (Nüvə Təhlükəsizliyi Sammitində iştiraka dəvət - İF-Az). Prezidentin sammitdə iştirak edəcəyini təsdiq etməsi çox vacibdir - İF-Az). Azərbaycan nüvə təhlükəsizliyində mühüm rol oynayır”,- deyə ABŞ-ın Azərbaycandakı səfiri Robert Sekuta “İnterfaks-Azərbaycan” agentliyinə bildirib.
O, həmçinin söyləyib ki, Bakı və Vaşinqton hər iki ölkə üçün qarşılıqlı faydalı və daha müsbət nəticələr verməsi üçün münasibətlərimizin möhkəmləndirilməsi üzərində işləyir.
1news.az
