İtaliya prezidenti Diasporla İş üzrə Dövlət Komitəsinin rəhbəri ilə görüşüb

Yanvarın 27-də İtaliyanın prezidenti Sergio Mattarella Prezident Sarayında Nizami Gəncəvi Beynəlxalq Mərkəzin nümayəndə heyətini qəbul edib. Qəbulda həmçinin Diasporla İş üzrə Dövlət Komitəsi sədri Nazim İbrahimov da iştirak edib.

Dövlət Komitəsinin mətbuat xidmətindən1news.az-a verilən xəbərə görə, qəbul mərasimi IV Qlobal Bakı Forumuna hazırlıq məqsədi daşıyan "Dinlərarası Dialoq Yolu ilə Radikallaşma və Ekstremizmə Cavab"  mövzusunda yüksək səviyyəli hazırlıq görüşü çərçivəsində baş tutub.

Mərasimdə nitq söyləyən İtaliya  prezidenti Sergio Mattarella müasir dünyadaanti-tolerantlıq, zorakılıq,  fərqlilərə qarşı nifrətə yer olmadığını qeyd edərək, daha yaxşı dünya üçün  bu kimi qlobal problemlərin aradan qaldırılmasının zəruri olduğunu bildirib.  Prezident Orta Şərqdə, Afrikanın bəzi ölkələrində dağıntılara, Avropanın bəzi şəhərlərində ölümlərə səbəb olanbu problemlərə qarşı mümkün olan bütün yollarla mübarizə aparmağın vacibliyini vurğulayıb.

“Dinlərarası dialoq və hörmət birgə yaşayışın mühüm elementidir. Terrorizm həm dəsivilizasiyalar alyansına ziddir”- deyə İtaliya prezidenti bildirib.

Prezident sonda öz çıxışını dahi Azərbaycan şairi Nizami Gəncəvinin misraları ilə bitirib.

Qəbulda iştirak edənlər sırasında Bolqarıstan prezidenti Rosen Plevneliyev, Makedoniya prezidenti Giorge İvanov, İSESKO-nun Baş direktoru Əbdüləziz Əl-Tuveyrci, İtaliya, Polşa, Xorvatiya, Andorra, Latviya,Ukrayna, Rumıniya, Moldova, Albaniya, Serbiya və Bolqarıstanın sabiq prezidentləri də yer alıb.

1news.az