Azərbaycan Hərbi Hava Qüvvələrinin helikopterləri Türkiyədə “İŞIK-2016” təlimlərinə cəlb olunub

Azərbaycan ilə Türkiyə arasında ikitərəfli hərbi əməkdaşlıq planına əsasən, iyunun 20-dən “İŞIK-2016” beynəlxalq axtarış-xilasetmə təlimləri başlayıb.

1news.az-a Müdafiə Nazirliyinin mətbuat xidmətindən verilən xəbərə görə, Azərbaycan Hərbi Hava Qüvvələrinin “Mi-17” 3 döyüş-nəqliyyat və “Mi-35” 3 döyüş helikopteri müştərək təlimlərdə iştirak etmək məqsədilə Türkiyənin Konya şəhərində yerləşən aviabazaya gəlib.

Təlimlər iyunun 30-dək davam edəcək.

1news.az