Ceyms Uorlik: Peterburqda keçirilmiş görüş Dağlıq Qarabağ münaqişəsinin sülh yolu ilə həll edilməsində müsbət addımdır
“Sankt-Peterburq şəhərində keçirilmiş görüş, eləcə də birgə bəyanat Dağlıq Qarabağ münaqişəsinin sülh yolu ilə həll edilməsində müsbət addımdır”.
1news.az-ın verdiyi xəbərə görə, bu barədə ATƏT-in Minsk qrupunun amerikalı həmsədri Ceyms Uorlik Twitter səhifəsində qeyd edib:
“Biz danışıqlar yolu ilə nizamlanma istiqamətində işləməliyik”.
Qeyd edək ki, Azərbaycan və Ermənistan prezidentlərinin Peterburqda görüşü apreldə münaqişə zonasında baş verən gərginlikdən sonra ikinci görüşü olacaq. İlk görüş mayın 16-da Vyanda Minsk qrupunun həmsədr ölkələrinin (ABŞ, Rusiya və Fransa) XİN rəhbərlərinin iştirakı ilə baş tutmuşdu.
Görüşün yekun bəyanatında aprelin 5-də nail olunan atəşkəsə riayət edilməsi, hadisələrin tədqiqat mexanizmləri, həmçinin ATƏT-in fəaliyyətdə olan nümayəndələrinin tərkibinin genişləndirilməsi qeyd edilir. Bundan əlavə, yaxın zamanlarda münaqişənin nizamlanması istiqamətində danışıqların yenilənməsindən də bəhs edilir.
Mövzu ilə əlaqədar oxuyun:
Peterburqda Rusiya, Azərbaycan və Ermənistan prezidentlərinin Qarabağ üzrə görüşü gözlənilir
Dmitri Peskov Azərbaycan və Ermənistan prezidentlərinin görüşünün əsas məqsədini açıqlayıb
1news.az
