Roma Papasının qarşılanma mərasimi keçirilib – FOTO

“Gənclik” Prezident Sarayı meydanında Roma Papası Fransiskin qarşılanma mərasimi keçirilib.

1news.az Azərtac-a istinadən xəbər verir ki, Papa Fransiski Azərbaycan prezidenti İlham Əliyev qarşılayıb. Papanın şərəfinə fəxri Qaravul dəstəsi düzülüb.

Daha sonra vatikan və Azərbaycanın dövlət himnləri səsləndirilib. Azərbaycan prezidenti ilham Əliyev və Roma Papası qaravul dəstəsinin önündən keçib.  Ardınca Azərbaycan dilində Azərbaycan əsgərini salamlayıb.

Roma papası Azərbaycan hökumət nümayəndələri, Azərbaycan prezidenti isə Romadan gəlmiş nümayəndə heyəti ilə salamlaşıb.

Daha sonra Roma Papası Fransisklə Azərbaycan prezidenti arasında görüş başlayıb. Görüşdə Azərbaycanın birinci xanımı Mehriban Əliyeva da iştirak edir.

1news.az