Mütəxəssislər: Bakının erməni “İsgəndər"lərinin qarşısını ala biləcək silahları var – FOTO – VİDEO
İsrail Azərbaycanı“İsgəndərləri” məhv edə biləcək silahlarla təchiz etməyi təklif edib.
Bunu 1news.az-a ehtiyyatda olan polkovnik, hərbi mütəxəssis Şair Ramaldanov deyib.
“İsraillilər bizə Ermənistanda yerləşən “İsgəndər” raketlərini məhv edə biləcək silahları verməkdə maraqlıdırlar”, - deyə o əlavə edib.
Qeyd edək ki, daha əvvəl Ermənistanın formal müstəqilliyinin 25-illiyinə həsr olunmuş hərbi paradda bu tip ballistik raket kompleksi də nümayiş etdirilmişdi.
“Rusiyada yeni silah-sursat istifadəyə veriləndə köhnəsindən qurtulurlar. Güman edirəm ki, ermənilərə köhnə silahlanma ötürülüb. Sadəcə bir neçə şəxs iddia edir ki, Rusiya Ermənistana ən yteni modifikasiyalarını verib. Bu rəsmi qaydada və sənədlə təsdiqlənməyib”, - deyə mütəxəssis əlavə edib.
Ş.Ramaldanov ermənilərin bu raketləri Azərbaycana qarşı istifadə etməyəcəyini düşündüyünü bildirib.
“Bu təqdirdə bizim cavab vermək üçün imkanlarımız daha genişdir. Naxçıvan Muxtar Respublikasında çox qüvvətli hərbi gücümüz var, oradan isə Ermənistanın paytaxtı əlinin içi kimi görsənir”, - deyə ehtiyyatda olan polkovnik qeyd edib.
Öz növbəsində müstəqil ekspert, Berlinin Azad Universiteti yanında Otto Zur adına siyasi araşdırmalar institutunun doktorantı Heydər Mirzə 1news.az-a bildirib ki, “İsgəndərlərin” imkanlarını şərh edərkən Moskvanın gözlənildiyi kimi öz kommersial və qeyri-kommersiyal anlaşmalarını söz marketinqi ilə dəstəklədiyini deyib.
Onun sözlərinə görə, hələ ki “İsgəndər” hərbi müstəvidə istifadə olunmayıb. Lakin iddia etmək olar ki, Azərbaycanda olan İsrailin “Barak” sistemi ilə bu raketləri vurmaq olar. Bu cür raketlərin bir diviziyonu böyük olmayan bir qəsəbəni məhv edə bilər. Bu raketin partlayışı nəticəsində əmələ gələn dəliyin diametri 20 metr olur. Əgər bu silahlar kimyəvi və ya radioaktiv elementlərlə təchiz olunmayıbsa, verdiyi ziyan böyük deyil. Və onlar strateji hərbi və ya kritiki infrastruktur obyektlərin vurulması üçün nəzərdə tutulub. Mən şəxsən, Azərbaycan tərəfinin bu cür silahların alınması təşəbbüsünə qarşıyam”, - deyə o qeyd edib.
Onun fikirincə, “İsgəndərlər”, münaqişə tərəfləri arasında balansı pozmur və Azərbaycanın qat-qat təhlükəli və ölümcül silahları var.
“Bizim cavabımız assimetrik olmalıdır”, - deyərək H.Mirzə bu məcrada Azərbaycanın öz dronlarını istehsal etməyə başladığını vurğulayıb.
1news.az
