Novruz Məmmədov İlham Əliyevlə Tillersonun görüşünün detallarını açıqlayıb
“Azərbaycan-ABŞ münasibətləri sürətlə inkişafa doğru gedir”.
1news.az xəbər verir ki, bunu Azərbaycan Prezidentinin xarici siyasət məsələləri üzrə köməkçisi - şöbə müdiri Novruz Məmmədov AzTV-yə müsahibəsində deyib.
Onun sözlərinə görə, ABŞ Azərbaycanla əməkdaşlığa xüsusi əhəmiyyət verir yetirir:
“ABŞ-ın dövlət katibi Reks Tillerson 22-ci Dünya Neft Konqresində iştirak edib və Prezident İlham Əliyevlə görüşüb. O, ABŞ-ın Azərbaycanın enerji sahəsində atdığı addımlara, həyata keçirdiyi layihələrə dəstəyini ifadə edib. ABŞ “Cənub Qaz Dəhlizi” layihəsinə dövlət katibi vasitəsi ilə dəstəyini nümayiş etdirdi. Bu, çox vacibdir. Eyni zamanda dövlət katibinin Prezident İlham Əliyevlə görüşmək istəməsi və bu görüşün baş tutuması ABŞ-ın Azərbaycanla əməkdaşlığa verdiyi böyük diqqətin göstəricisidir”.
N.Məmmədov, həmçinin Prezident İlham Əliyevlə ABŞ-ın dövlət katibi Reks Tillersonun İstanbulda baş tutab görüşündə müzakirə olunan məsələlərə də toxunub:
“Görüşdə qeyd olundu ki, baxmayaraq ki, Azərbaycan kiçik bir dövlətdir, o, regionda və dünyada sabitliyə, təhlükəsizliyə öz töhfəsini verir. Görüş zamanı əməkdaşlığın gələcək inkişafı, Azərbaycanda həyata keçirilən siyasi və iqtisadi islahatlar, demokratiyanın inkişafı ilə bağlı məsələlər müzakirə edildi. Eyni zamanda Azərbaycan Prezidenti tərəfindən qeyd olundu ki, belə bir vəziyyətdə ABŞ bundan sonra Azərbaycanda qeyri-neft sektoruna daha çox diqqət yetirə bilər. Bizim qapılarımız həm dialoqa, həm də əməkdaşlığa açıqdır”.
N. Məmmədov görüşdə Ermənistan-Azərbaycan, Dağlıq Qarabağ münaqişəsinin nizamlanması məsələsinin də müzakirə edildiyini vurğulayıb:
“Azərbaycan Prezidenti xüsusi olaraq qeyd etdi ki, ATƏT-in Minsk qrupunun həmsədr dövlət başçılarının bir il əvvəl bəyanat verməsi və bu bəyanatın qüvvədə qalmasına baxmayaraq, münaqişənin nizamlanmasında heç bir addım atılmır. Əksinə, təmas xəttində müxtəlif hadisələr baş verir. Sonuncu insdent bunlardan biridir. Dünyanın bütün dövlətləri, mediası, rəsmi şəxsləri Emənistanın ciddi şəkildə tənqid etdilər”.
Görüşdə əsas mövqe, fikir bu oldu ki, ki, status-kvonun davam etməsi düzgün, mümkün deyil:
“Bu, böyük risklərə səbəb ola bilər. Qeyd olundu ki, ABŞ dünyanın lider dövləti və Minsk qrupunun həmsədri kimi bu münaqişənin həllinə daha çox diqqət ayırmalıdır. Əks halda bu, təxribatlara, böyük təhlükələrə, risklərə apara bilər”.
P.Sultanova
