“Kəpəz” iki futbolçu ilə müqavilə bağlayıb

Qış fasiləsi dövründə transfer çalışmalarını davam etdirən “Kəpəz” iki futbolçunu heyətinə cəlb edib.

1news.az-ın klubun saytına istinadən yaydığı xəbərə görə, Gəncə təmsilçisi mövsümün ilk yarısını “Keşlə”də keçirən Samir Zərgərov və “Zirə”dən ayrılan Murad Səttarlı ilə müqavilə bağlayıb. Yarımmüdafiə mövqeyində çıxış edən hər iki oyunçu ilə bir illik razılıq əldə olunub.

Qeyd edək ki, Samir Zərgərov “Kəpəz” üçün yad sima deyil. Zərgərov 2010/11 mövsümündə də bu komandada çıxış edib.

1news.az