“Uşaqlar müharibənin günahsız qurbanlarıdır” - “Çıxışa doğru”da müzakirə – FOTO – VİDEO
Müharibə şəraitinin gərginlikləri cəbhəyanı yaşayış məntəqələrində yaşayan uşaqlar arasında nevroloji, kardioloji, şəkərli diabet, göz xəstəliklərinin artmasına səbəb olub.
Hələ ana bətnində olan zaman ananın yaşadığı stress və həyəcanları hər bir uşaq öz körpə vücudunda hiss edir. Xüsusən 2016-cı il aprel döyüşlərindən sonra problemlərin başqa bölgələrə nisbətən artdığı müşahidə edilir.
Atəş altında doğulanların dünyaya gəldiyi ilk anlarda eşitdikləri atəş səsləri olur. Bu uşaqlar öz ilk çığırtıları ilə sanki "bəsdir, susun, mən yaşamaq istəyirəm" - deyə, müharibə törədənlərə, uşaqların al-əlvan dünyasını daraldanlara fəryadla səslənirlər. Ancaq təəssüf ki, onların bu fəryadı nə acgöz torpaq hərislərinin, nə də onların havadarlarının qulaqlarına çatır.
1news.az-ın məlumatına görə, AzTV-nin “Çıxışa doğru” verilişində “Uşaqlar müharibənin günahsız qurbanlarıdır” mövzusunda aparılan müzakirələr zamanı bu barədə ətraflı danışılıb. Verilişin qonaqları AQUPDK sədrinin köməkçisi Fərid Ədilov, 8 gün erməni əsirliyində olmuş, Xocalı soyqrımının canlı şahidi Dürdanə Ağayeva, filologiya üzrə fəlsəfə doktoru Şəmil Sadiq, ailə və uşaq məsələləri üzrə mütəxəssis, psixoloq Əfsanə Rüstəmova mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva
