Pandemiya dönəmində uşaq bağçalarının vəziyyəti - “Çıxışa doğru”da MÜZAKİRƏ – VİDEO
Uşaq bağçalarının fəaliyyəti ancaq mövcud vəziyyət nəzərə alınmaqla, müvafiq sanitar-gigiyenik normalara əməl edilməklə mümkündür.
Bununla əlaqədar müvafiq hazırlıq tədbirləri həyata keçirilir. Bağçalarda dezinfeksiya işləri aparılıb. Tərbiyəçilər və texniki işçilər bağçalarda geniş təmizlik, tibbi-profilaktik işləri görür. İşçi personal hazırkı şəraitdə işləmək qaydaları barədə təlimatlandırılıb. Bağçaların oyun, yataq və digər otaqlarında hazırlıq işləri aparılır. Otaqların havalandırılması və təlimata uyğun dezinfeksiyası üçün tədbirlər həyata keçirilir. Hər bir bağçanın girişində xüsusi dezinfeksiyaedici məhlullar qoyulub. Hər gün bağçaya gələn işçi heyəti və uşaqların temperaturu ölçüləcək, tərbiyəçilər tez-tez valideynlərlə əlaqə saxlayacaq...
1news.az-ın verdiyi xəbərə görə, AzTV-nin “Çıxışa doğru” verilişində “Pandemiya dönəmində uşaq bağçalarının vəziyyəti?” mövzusunda aparılan müzakirələr zamanı bu barədə ətraflı danışılıb. Verilişin qonaqları – Bakı şəhər icra hakimiyyətinin şöbə müdiri Elmin İmanov, "Bağçam" Uşaq Bağçaları Şəbəkəsinin qurucusu Rasif Dünyamalıyev, ADPU-nun baş müəllimi Xalidə Həmidova və Ailə və uşaq psixoloqu Heyran İbrahim mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
