“Koronavirus və vaksinasiya prosesində mövcud vəziyyət” - “Çıxışa doğru”da MÜZAKİRƏ
Ölkəmizdə COVID-19 infeksiyasına qarşı mübarizə məqsədilə əhalinin peyvənd olunmasını yüksək keyfiyyətlə təşkil etmək üçün bütün zəruri tədbirlər görülüb
COVID-19-dan xilas olunmaq dünyanı narahat edən qlobal problemlərin ən vacibidir. Bir ildən artıq müddətdir ki, pandemiya kimi insanların həyatına daxil olan koronavirusa qarşı dünyanın əksər ölkələrində olduğu kimi, Azərbaycanda da qabaqlayıcı tədbirlər görülür.
Koronavirusun cilovlanması üçün dünya səhiyyəsinin mübarizəsi, ciddi karantin rejiminin hər bir ölkədə tətbiqi, habelə aparılan tədqiqat və yoxlamalar, testlər və nəhayət, düz bir ildir gözlənilən vaksinin hazırlanması, peyvəndin artıq birinci dozasının vurulmasının başa çatdırılması istiqamətində aparılan işlər ölkəmizdə də uğurla həyata keçirilir...
1News-un məlumatına görə, AzTV-nin “Çıxışa doğru” verilişində “Koronavirus və vaksinasiya prosesində mövcud vəziyyət” mövzusunda aparılan müzakirələr zamanı bu barədə ətraflı danışılıb. Verilişin qonaqları – Səhiyyə Nazirliyinin COVID-19-la mübarizə işçi qrupunun üzvü Günay Quluzadə, hüquqşünas Əlövsət Allahverdiyev və "Yeni Həyat" Humanitar və Sosial Dayaq İB-nin sədri Nailə İsmayılova mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: